رد صادم من تامر عاشور على اعتذار حسام حبيب.. ما سبب الأزمة؟
وجه أحد الصحفيين، سؤال للنجم تامر عاشور في المؤتمر الصحفي الذي أقيم له على هامش حفله الأخير بالإمارات، وقال له ماهو سبب الخلاف بينك وبين الفنان حسام حبيب و موقفك من اعتذاره لك، ليرد ملك الأحزان رد صادم .
وقال تامر عاشور : "لا لا خلينا في حاجة غير دي، واعتذاره مش مقبول".
أزمة تامر عاشور وحسام حبيب
ويعود سبب الخلاف بين تامر عاشور و حسام حبيب، بعدما قام الأول بالدفاع عن النجمة شيرين عبد الوهاب خلال أزماتها مع طليقها وشقيقها، إذ علق "ملك الأحزان" على الأزمة، عبر حسابه الشخصي بموقع X تويتر سابقًا: "كل اللي أقدر أقوله في موضوع شيرين عبدالوهاب، أن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها، أنا برضه أقولها إني بحبها وكل الدنيا بتحبها وتحب فنها، أهل شيرين مظهروش في حياتها آخر سنتين تلاتة أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من على الأرض شيل".
وتابع : "يا رب يبعد عنها كل خبيث وأناني وفاشل وممثل، هي أطيب منهم كلهم وهم اللي وقعوها فكل مشاكلها، أنت بمن حولك، لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة، أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة، أهل شيرين هم هم أهل شيرين من زمان أوي، بالعقل".
ورد حسام حبيب، على حديث تامر عاشور، إذ قال : "سمعنا ناس غريبة بتدخل في أمور مش أمورها خالص، ومنهم ناس أشباه فنانين، مفيش فنان بيدي حق لنفسه يدخل في حياة غيره، لأن الفنانين بيبقى عندهم إحساس، وتصريحات شيرين خلت شكلهم مش ظريف خالص".
وعاد حسام حبيب ليعتذر من تامر عاشور على تصريحاته عنه، عبر خاصية الأستوري على حسابه الرسمي "انستجرام" قائلا: "على فكرة يا جماعة أنا بهزر، هو فنان محترم وليه جمهور كبير وبيقدم فن راقي وأنا بعتذر له لو كان الهزار تقل، أنا بس كنت بنكشه لأنه تقلها عليا شويتين، هو زميل ومحترم وبيقدم فن محترم، أنا بحب اللي هو بيقدمه وهو اجتهد ولكل مجتهد نصيب، معلش حقك على يا نجم".
