الأموال
السبت 22 فبراير 2025 06:39 مـ 24 شعبان 1446 هـ
الأموال رئيس مجلس الإدارة ورئيس التحريرماجد علي
مؤشرات الأسهم الآسيوية ينهي تعاملاته على ارتفاع بورصة وول ستريت الأمريكية تنهي تعاملاتها الاسبوعية على تراجع حاد مؤشر بورصة موسكو ينهي تعاملاته على تراجع «Valero Developments» تشارك في قافلة مساعدات إنسانية لدعم غزة آي صاغة: الذهب يواصل تحقيق الأرقام القياسية بفعل عدم اليقين ومشتريات البنوك بالصور | 156 لاعباً يستأنفون منافسات البطولة العالمية للكرة الشاطئية بمنتجع جرافتى «الإسكان» تُطلق الموقع الإلكتروني الرسمي والخطوات التنفيذية لمبادرة «بيتك في مصر» «برايم للإدارة الفندقية» تدشن شركة لإدارة الشقق الفندقية بالسعودية.. وتخطط للتوسع في ليبيا وسلطنة عمان والمغرب حسن الخطيب يرحب بتعاون القطاع الخاص بمصر والبحرين لإقامة مشروعات استثمارية السيطرة على حريق يلتهم شقة سكنية بالقليوبية يوم المرح في طيبة المتكاملة الدولية : احتفال عائلي مليىء بالأنشطة المتنوعة وأجواء الفرح والسعادة افتتاح معرض «أهلا رمضان» لبيع السلع الغذائية بأسعار مخفضة بشبين الكوم

فنون

حسام حبيب يكشف حقيقة دخول شيرين عبد الوهاب لـ مصحة نفسية

حسام حبيب وشيرين عبد الوهاب
حسام حبيب وشيرين عبد الوهاب

كشف الفنان حسام حبيب حقيقة الأخبار المتداولة بدخول طليقته المطربة شيرين عبد الوهاب لمصحة نفسية نتيجة أزمتها مع شقيقها محمد عبد الوهاب وسرقته لحساباتها الرسمية على مواقع التواصل الاجتماعي .

وقال حسام حبيب خلال تصريحات لبرنامج "ET بالعربي": كل دا كلام غلط، شيرين كويسة وزي الفل، هي بس حالتها النفسية وحشة بسبب اللي عملوا اخوها فيها.

حسام حبيب يعلق على تأكيد شيرين عبدالوهاب تصريحاته

وعن تأكيدها لتصريحاته الآخيرة عن شقيقها محمد عبد الوهاب، قال: أنا طبعا بشكرها أنها وضحت للناس إني كلامي صح، وكمان مبسوط جدا أنها طلعت اتكلمت، مش عشان اتكلمت عنى لا خالص، ولكن عشان طلعت وتحررت، لاني عارف الضغط النفسي اللي عليها عامل إزاي".

وأضاف: الله يكون في عونها، ومتعاطف معاها جدا جدا، وأدعي لها ربنا يكرمها ويوفقها ويعوضها عن كل اللي حصل، وإن شاء الله دي تكون بداية جديدة ليها فيها كل خير يارب.

أزمة شيرين عبد الوهاب و شقيقها

وكانت شيرين عبد الوهاب علقت على التسريبات الصوتية الخاصة بحسام حبيب من خلال تسجيل صوتي نشره الإعلامي عمرو أديب عبر برنامجه "الحكاية" المذاع على قناة "mbc مصر"، حيث قالت : فوجئت باللي حصل على السوشيال ميديا بين محمد عبد الوهاب وحسام حبيب، وحبيت أكد أن كلام حسام مضبوط جدا، وأن أخويا فعلا باعني، والتصريح اللي نزل دا نزل من محامي محمد شاعر المستولي على السوشيال ميديا بتاعتي، وبالتوكيل أنا كنت عاملة له قديم، مضى له ورقة أو عقد بتخليه يحصل على السوشيال ميديا بتاعتي، وموقعين بتاريخ قديم، كل كلام حسام حبيب مضبوط، اتعرضت لمؤامرة من أقرب الناس ليا وهو أخويا محمد عبد الوهاب وأنا بقولكوا متصدقوش أي كلمة منه وبشكر حسام إنه بيرد نيابة عني".

شيرين عبد الوهاب وشقيقها

رد محمد عبد الوهاب على اتهامات شقيقته

ومن جانبه قرر محمد عبد الوهاب الدفاع عن نفسه بعد اتهامات شقيقته شيرين عبد الوهاب، حيث نشر نشر مستند ينفي صحة تلك الاتهامات عبر حسابه الرسمي بموقع التواصل الاجتماعي "فيس بوك"، وعلق كاتبًا: كل واحد عنده قدرة على تحمل الأذى لكن للقدرة دي حدود، ده قرار النيابة العامة بالحفظ إداريًا في كل الاتهامات اللي اتوجهت ليا بتاريخ 19/12/2022 يعني من سنتين.

وأضاف: ايه هي بقي الاتهامات دي؟ كسر الضلع والعشرين راجل اللي دخلت بيهم على اختي! وطبعا موضوع السكينة! واتسألت علي التوكيل بتاعي وبتاع امي من وكيل النيابة المحترم وكله مثبت، س سوال ج جواب. التوكيل اللي بتقول ان انا أسأت استخدامه!، وده إن دل على شيء فهو يدل على إني مش عايز أختي شكلها يبقي وحش قدام الناس وقدام جمهورها والأهم أمي اللي كنت مفهمها ان بنتها اتنازلت وانا أستحمل أي حاجة إلا إنها تتوجع في ولادها.

وواصل: وبناء عليه رضيت بالظلم لوحدي لكن الحقيقة غير كده، انا اتطلبت في النيابة واتسألت رسمي وتم اخلاء سبيلي من النيابة على ذمة القضية لحد مااتحفظت القضية بس انتي بقي بشطارتك وبأهل الشر اللي حواليكي اللي خسروكي نفسك وأهلك، خليتيني انهارده أطلع أقول جزء من الحقيقة للناس رغم إن ده آخر حل كنت أحب ألجأ ليه. وده حق ربنا لا ظلم ولا افترى.

واختتم: الكلام اللي من سنتين بيتعاد تاني معرفش لمصلحة مين مع اني بعيد عنك وعن حياتك من سنين قبل الواقعة وسنتين من بعدها. ده قرار النيابة العامة الموقرة في الافتراءات اللي اتوجهتلي، مش بيان من محامي وأي حاجه هرد بيها هتكون مستند حكومي عليه ختم النسر ومرفق هنا الفيديو بتاريخ 11/11/022 اللي قولتي فيه انك اتنازلتي ولعبتي دور الضحية، ومرفق برضو المستندات الرسمية اللي بتثبت ان القضية فضلت شغالة وكنتي هتتسببي في حبس أخوكي ظلم وهو لحد آخر لحظة بيحاول يحميكي ويحمي أمك ويحمي بناتك.

موضوعات متعلقة

أسعار العملات

متوسط أسعار السوق بالجنيه المصرى20 فبراير 2025

العملة شراء بيع
دولار أمريكى 50.5140 50.6140
يورو 52.7265 52.8410
جنيه إسترلينى 63.6931 63.8394
فرنك سويسرى 55.9712 56.1069
100 ين يابانى 33.6536 33.7314
ريال سعودى 13.4690 13.4963
دينار كويتى 163.6134 163.9904
درهم اماراتى 13.7520 13.7811
اليوان الصينى 6.9580 6.9731

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار سعر البيع سعر الشراء بالدولار الأمريكي
سعر ذهب 24 4737 جنيه 4714 جنيه $94.41
سعر ذهب 22 4342 جنيه 4321 جنيه $86.54
سعر ذهب 21 4145 جنيه 4125 جنيه $82.60
سعر ذهب 18 3553 جنيه 3536 جنيه $70.80
سعر ذهب 14 2763 جنيه 2750 جنيه $55.07
سعر ذهب 12 2369 جنيه 2357 جنيه $47.20
سعر الأونصة 147342 جنيه 146631 جنيه $2936.34
الجنيه الذهب 33160 جنيه 33000 جنيه $660.84
الأونصة بالدولار 2936.34 دولار
سعر الذهب بمحلات الصاغة تختلف بين منطقة وأخرى