الأموال
الإثنين 31 مارس 2025 04:26 صـ 1 شوال 1446 هـ
الأموال رئيس مجلس الإدارة ورئيس التحريرماجد علي
الشعب الجمهوري بالإسكندرية يكرم حفظة القرآن الكريم والأمهات المثاليات النائب خالد مشهور يهنئ الرئيس السيسي والشعب المصري بحلول عيد الفطر المبارك النائب مجدي الوليلي يهنئ الرئيس السيسي والشعب المصري بحلول عيد الفطر المبارك د.احمد عبدالفتاح يهنئ الرئيس السيسي والشعب المصري بمناسبة عيد الفطر المبارك سعر الجنيه الذهب يقترب من تسجيل مستويات تاريخية سويلم يتابع الموقف التنفيذي لمشروع إنشاء مجموعة قناطر ديروط الجديدة بنسبة تنفيذ ٧٥% غرفة صناعة التطوير العقاري تبحث مقترحات إتاحة أراضي لجميع فئات المطورين انتظام عمل محطات الوقود دون انقطاع خلال إجازة عيد الفطر 2025 وزارة الصحة تطلق 25 قافلة طبية بمختلف المحافظات استعدادًا لعيد الفطر المبارك 2025 تشغيل بعض منافذ «التأمين الصحي» خلال إجازة عيد الفطر 2025.. اعرف المواعيد وزارة السياحة تتابع استقبال الزائرين بمختلف المتاحف والمواقع الأثرية خلال عيد الفطر 2025 مصر تخصص 5.9 مليار جنيه للتأمين الصحي على الطلاب والمرأة المعيلة و«التأمين الصحي الشامل»

فنون

اتهامات متبادلة بين شيرين عبد الوهاب وحسام حبيب.. وشقيقها يدخل على خط الأزمة

شيرين عبد الوهاب وحسام حبيب 
شيرين عبد الوهاب وحسام حبيب 

شهدت الساعات القليلة الماضية، فصل جديد في أزمة الفنانة شيرين عبد الوهاب وطليقها الفنان حسام حبيب، حيث خرج الثنائي بقصة جديدة واتهامات متبادلة جعلتهم حديث السوشيال ميديا.

ويرصد موقع جريدة "الأموال"، تفاصيل الأزمة الجديدة بين شرين عبد الوهاب وطليقها حسام حبيب، وتعليق شقيق الفنانة على تلك الاتهامات.

اتهامات شيرين عبد الوهاب لحسام حبيب

فتحت شيرين عبد الوهاب النار على طليقها، قائله : حسام حبيب بيهددني وبيتبلى عليا، أنا مش صغيرة وست عندي بنتين في أخطر مرحلة في حياتهم، بناشد المسئولين، الراجل ده ضيعني وبيهددني ببناتي وبيقول لي كلام يدخله السجن.

وتابعت: أنا حولتله 10 مليون جنيه، حسام واخد مني عربية رانج روفر موديل 2008، وساعتين رولكس Rolex، وبقاله حوالي 4 سنين هو المسؤول عن الأمور المادية في شغلي، ومفيش يوم حاسبني فيه، أنا معرفش الراجل ده سرقني في قد إيه، و كسر الخزنة بتاعتي اللي كانت في شقة في كومبوند، وطلّع منها التنازلات الخاصة بقضية شركة روتانا حتى دهبي كله خده مني.

حسام حبيب يرد على اتهامات شيرين عبد الوهاب

ورد حسام حبيب على اتهامات شيرين عبد الوهاب عبر قناة et بالعربي، قائلا: " أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت اننا اطلقنا يا هى بتكدب على البنك وقالت أني زوجها وحولتلي".

وأضاف: شيرين عبدالوهاب دمها بقى تقيل والمرة دي بجد هحبسها، وهي خرجت النهاردة وقالت الكلام دا لأنها عمال تتصل بيا لحد إمبارح بليل عشان نرجع لبعض، وأنا مبردش عليها، عشان أنا رافض نرجع تاني بعد كل اللي حصل آخر مرة لما الأمر وصل للنيابة والحوار كبر، وفي الآخر عشان أنا زهقت عملتلها بلوك.

وواصل: "الموضوع مش بالعافية أنا مش عايز أرجع، وأنا اللي في سجن وعايز أتحرر منه، أنا اللي تعبت وأستحملت إهانات بقالى سنين على حاجات محصلتش، وعمري ما أشتكيت ولا أتكلمت ولا دفعت عن نفسي عشان ميطلعش شكلها وحش، بس خلاص كدا أنا فاض بيا، وكل حاجة هتتقال للناس زي ماحصلت بظبط، أنا عمري ماطلعت أسرار حد برا ولا عمري ماكنت هعمل كدا".

واستكمل: بس خلاص أنا أضطريت لكدا، الحياة مش بالعافية أنا مش عايز أرجعلها، وأنا اللى بستنجد بالناس وبقولهم نجمتكم الكبيرة اللى بتحبوها من سنين كتيرة، عايز أبعد عنها ومش عارف، أتصرف إزاي وأستنجد بمين، وأنا بدعي ربنا قدامكم أهو يارب عايز أبعد عنها يارب ومش عارف أعمل أية، أنا تعبت بجد وسنين من الظلم والأهانة وبسكت ومبردش، وكل الكلام اللي كانت بتقوله غلط كله، هو في حد يكون ضارب حد وفتحله دماغله، ويعتذرله عادي، وقبلها كنت حالق شعرها وتعتذرلي عادي، ويرجعله تاني، هو حاجة اسمها كدا، بتقول عشان بهددها!! بهددها بإية دا اللي هي قالته للناس أقوي من أي تهديد، اي اللي عندي أهدده به، وأقول ربنا كبير لحد ما أظبط ورقي وأكلم المحامين بتوعي عشان أعرف أخد حقي ومش هتنازل المرة دي خالص، وهاخد حقي بالقانون لأني عملت حساب للعشرة أكتر من مرة، وكل مرة بيطلع أكتر من اللى قبله، أيام مكلمة لميس الحديدي وطلعت قالت شتائم وحاجاة في حقي، كفاية كفاية ناس.

وأوضح:"أنا عايز أعرف إزاي سرقتها، هل دخلت وأنا لابس طاقية الأخفاء، ومحدش شافني، وكل مرة سرقة وكلام أقل بكتير من أني أعلق عليه، كل شوية أنا سرفت وعملت، وأنا بسنتجد بكل الناس أرحموني منها، دا ذنب أنا عملته في حياتي أنا مش عارف إية دا، ولسة هطلع أتكلم كمان بكل التفاصيل، ومش بقول كدا عشان خاطر أخوفها، لا دا حقي، عشان كل شوية يتقال كلام عني وعن أهلي، وأنا مش بشكر في نفسي الحمدلله متربي ومن عيلة كويسة جدا، ومتربي في أماكن كويسة ومتعلم في مدارس كويسة جدا، وبعرف ربنا سبحانه وتعالي".

واختتم تصريحاته:"وعايز أقول للناس كلها شيرين عبد الوهاب بتستقوي بيكم، ودائما بتهددني عشان لو معملتش حاجة، تقولي مش هخليكم تمشي في الشارع، فأرجوكم بالله عليكم بلاش تمشوا مع حد عايز أظلم حد".

شقيق شيرين عبد الوهاب يدخل على خط الأزمة

وخرج شقيق شيرين عبد الوهاب، محمد عبد الوهاب، ليشن هجوم حاد على شقيقته وطليقها حسام حبيب وذلك بعد التصريحات الأخيرة ، حيث كتب في منشور عبر حسابه الرسمي بموقع التواصل الاجتماعي فيسبوك: يا شيخة والله ربنا ياخدنا بقي عشان نرتاح من القرف ده كفايه بقي اقسم بالله قرفنا و الناس قرفت واشمئزات منكم انتو اقذر قصة عرفتها البشرية والله.. حسبي الله ونعم الوكيل فيكم انتو الاتنين.

وعاد وعلق محمد عبد الوهاب على تصريحات حسام حبيب الأخيرة، قائلا: "انت يابن الجزمة طالع تقول أنا متربي وعيلتي احسن ناس ده انت امك اتطردت قدامك الساعة ٤ الفجر بعد ٣ ايام جت البيت عندها هي واختك عادي وكأن مفيش حاجة حصلت زيرو كرامه بالوراثة وابوك أنا وانت اتفرجنا علي فضايحه مش عايز أفسر عشان الناس متقرفش اكتر ماهي قرفانه عيلة ايه يا لوسي يا سبوبه انت فاكر الناس بتصدق الهبل ده طب ماتقول كده للناس العيلة دي بتصرف منين ولا أوريهم أنا بالصوت والصورة".

أسعار العملات

متوسط أسعار السوق بالجنيه المصرى27 مارس 2025

العملة شراء بيع
دولار أمريكى 50.5291 50.6291
يورو 54.4906 54.6035
جنيه إسترلينى 65.3544 65.4888
فرنك سويسرى 57.1532 57.2922
100 ين يابانى 33.4741 33.5448
ريال سعودى 13.4705 13.4979
دينار كويتى 163.7738 164.2044
درهم اماراتى 13.7554 13.7853
اليوان الصينى 6.9545 6.9694

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار سعر البيع سعر الشراء بالدولار الأمريكي
سعر ذهب 24 5006 جنيه 4983 جنيه $99.12
سعر ذهب 22 4589 جنيه 4568 جنيه $90.86
سعر ذهب 21 4380 جنيه 4360 جنيه $86.73
سعر ذهب 18 3754 جنيه 3737 جنيه $74.34
سعر ذهب 14 2920 جنيه 2907 جنيه $57.82
سعر ذهب 12 2503 جنيه 2491 جنيه $49.56
سعر الأونصة 155695 جنيه 154984 جنيه $3082.94
الجنيه الذهب 35040 جنيه 34880 جنيه $693.83
الأونصة بالدولار 3082.94 دولار
سعر الذهب بمحلات الصاغة تختلف بين منطقة وأخرى