تامر عاشور يعلق على تسريبات حسام حبيب عن شيرين عبد الوهاب وأهلها: يارب يبعد عنها كل خبيث وأناني
علق الفنان تامر عاشور على التسريبات التي تداولها رواد مواقع التواصل عن أهل المطربة شيرين عبد الوهاب.
وكتب تامر عاشور في منشور عبر حسابه الشخصي على موقع التواصل الاجتماعي إكس: كل اللي اقدر اقوله في موضوع شيرين عبد الوهاب.. أن مفيش كلمة واحدة بس من اللي اتقالت وانتشرت صح أنا قريب من أهل شيرين ووالدتها واخوها.
وتابعت: أنا برضه أقولها أني بحبها وكل الدنيا بتحبها وتحب فنها.. أهل شيرين مظهروش في حياتها أخر سنتين تلاتة أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من ع الارض شيل.
وأضاف: يارب يبعد عنها كل خبيث واناني وفاشل وممثل هي أطيب منهم كلهم وهم اللي وقعوها فكل مشاكلها "انت بمن حولك" لو اللي حواليك فشلة غصب عنك لازم تبقى زيهم وتعافر علشان تقدر تمارس اللي كنت بتعمله ف عدم وجودهم بمنتهى السهولة.
واختتم: أنا كلت عيش وملح ف بيتها وف بيت أمها واخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها اساس من الصحة.. أهل شيرين هم هم اهل شيرين من زمان قوي، بالعقل.
تسريب مقاطع صوتية لـ حسام حبيب عن أسرة شيرين عبد الوهاب
وكانت الساعات القليلة انتشرت تسريبات صوتية للفنان حسام حبيب يتحدث فيها عن شيرين عبد الوهاب وأسرتها مشيرا إلى أنهم آذوها وهم سبب خلافها مع شركة روتانا، حيث قال: الأغاني خلصانة وزي الفل وتحفة بس هي مش في المود ده من كتر اللي بيتعمل فيها من أهلها، هي مش هتطلع تتكلم عنهم لأنهم أهلها، لكن أنا قررت أتكلم لأن دول مش أهلي ولا يشرفني إنهم يكونوا أهلي، دول ناس ظلموها باعوا السوشيال ميديا بتاعتها متخيل؟".
يذكر أن شيرين عبد الوهاب تزوجت من حسام حبيب عام 2018، وشهدت تلك العلاقة الكثير من الخلافات ، حيث انفصلا ثم عادا مرة ثانية في نوفمبر 2022، ثم انفصلا آخر مرة في ديسمبر 2023.
