شيرين عبد الوهاب تعود لزوجها حسام حبيب وتحدث ضجة: كان معمول لنا حاجة كبيرة أوي واتفكت
فاجأت الفنانة شيرين عبد الوهاب جمهورها بعودتها لطليقها المطرب حسام حبيب ، وذلك بعد خروجها من مستشفى الإدمان.
شيرين عبد الوهاب: تم كتب كتابي على حسام حبيب
قالت شيرين عبد الوهاب خلال مداخله هاتفية في برنامج "الحكاية" الذي يقدمه الإعلامي عمرو أديب: "تم كتب كتابي على حسام جبيب امبارح الساعة 9 بليل بحضور أقرب الناس لينا، أخواتنا وبطمن الناس عليّ وعايزة استغل الفرصة دي واقول اني بعتذر لحسام عن كلام صدر مني في يوم من الأيام".
وأضافت : أنا كنت السبب ان الحياة دي اتفتحت على الناس والناس دي انشغلت بيا ضمن مشاكلهم، فأنا في عصمة رجل طيب جدا ولو كنت قولت كلام عنه فهو كان مزعلني فدا شيطان بيحصل بين المتزوجين.
شيرين عبد الوهاب: كان معمول لنا حاجة كبيرة أوي واتفكت
وتابعت:احنا كان معمول لنا حاجة كبيرة أوي واتفكت الحمدلله، أنا اصغر من الكلام عن الأعمال لكنها ذكرت في القرآن واحنا مش معصومين من الغلط ،أنا غلطت لما طلعت اتكلمت بصوت عالي، أنا شيرين اللي طلعت واتكلمت والحقيقة كل حاجة كانت في العلن زعلي كان في العلن وحبي كان في العلن وكله كان في العلن.
شيرين عبد الوهاب تتنازل عن قضاياها ضد شقيقها
وأعلنت شيرين تنازلها عن قضايها ضد شقيقها محمد عبد الوهاب، قائلة: هتنازل عن أي حاجة انا كنت عملاها لـ محمد عبد الوهاب لأني مقدرش أعمل كدة، أنا شيرين اللي قلبها متسامح وهيفضل قلبي متسامح، وأنا مسامحة كل الناس ومقدرش على زعل أمي وعياطها، وبتنازل عن أي حاجة حصلت معايا والحمدلله، كان ممكن يحصلي حاجة مش كويسة أكتر من كدة، وأنا مش حزينة باللي حصل”.
