حسام حبيب يدافع عن نفسه بعد هجوم الجمهور عليه:”كنت بحاول أعالج شيرين من المخدرات”.. إليك ملخص التصريحات
دافع الفنان حسام حبيب، عن نفسه من الاتهامات الموجهة إليه بشأن أزمته مع طليقته النجمة شيرين عبد الوهاب.
ورد حسام حبيب على جميع الاتهامات التي طالته في الفترة الماضية من خلال مداخلة هاتقية طويلة لبرنامج "الحكاية" الذي يقدمه الإعلامي عمرو أديب عبر شاشة "MBC مصر"، ويرصد موقع "جريدة الأموال" أبرز تلك التصريحات في السطور التالية.
تصريحات حسام حبيب لبرنامج "الحكاية":
- وجودي في حياة شيرين في الفترة الأخيرة كان مبني على الصداقة، والصداقة وصلت إنها بدأت تستنجد بي إنها تخرج من المحيط اللي هي فيه، قالت لي (الحقني أنا بتنهش).
- أنا كان عندي فلوس أكتر منها بكتير من قبل ما نتجوزلأنها كانت منهوبة وأنا كنت العدو الأول لأي حد يعمل كدة.
- عمري ما خدت من شيرين جنيه، وكان هدفي اني أكبرلها فلوسها، السيارة اللي اتهمتني بسرقتها كانت هدية منها لي اعترافا منها بجهودي ومركبتهاش غير بعد الخلاف، وأخذتها عشان أعند معها، ورجعتها لها منذ فترة.
- أنا اللي قولت لـ شيرين لازم تفتحي حسابك وتأمني بناتك وعملتها وصية برة وعندها فلوس لبناتها برة.
- انهرت وبكيت لما شيرين حلقت شعرها، وكنت عارف أنها بتحاول تضر بنفسها عشان ابعد عنها.
- عيشت مع أمي لحد سن الـ 37 وأنا طالع من بيت أمي على بيت شيرين، وهي اللي أصرت أننا نعيش في بيتها بسبب وجود مدارس ابنتيها في نفس المنطقة السكنية.
- أنا رجل متعلم ومتربي ولا يمكن أن أضرب سيدة، لم أضرب شيرين أو أهددها بذلك.
- علاقتي بابنتي شيرين كانت على ما يرام، حتى قيل لهم أنني أريد ضربهن وقتلهن.
- كانت المخدرات سبب في خلافنا، خيرتها بيني وبينها، ولكنها فضلت في الوسط، ورفضت تسمع نصيحتي وده كان سبب طلاقنا.
- أهلها بيقولوا إن أنا السبب في اللي شيرين فيه، يبقى المفروض إني ابقى زيها، أنا أهلي عندهم أكبر المستشفيات، هيسيبوني يعني كدة؟ أغلب مشكلاتي مع شيرين كانت بسبب أسلوب حياتها، ولما ظهر الإدمان في حياتها، قلت لها يا أنا يا الحاجة دي.
- : أنا مكنش لي علاقة بشيرين طيلة الشهور الماضية، فازاي هوصلها للمرحلة الثالثة من الإدمان في أيام؟ دا تأثير شهور أنا مافيش بيني وبينها تواصل، عشان الناس تفكر.
- حد داخل المستشفي قالي شيرين رفضت الأكل لمدة 3 أيام، وتناولته أخيرا، وحاولت الانتحار مرة واحدة، وقالي أن جسمها في كدمات كتير من الضرب يوم سحلها وجرها للمستشفى، وشعرها متقطع، واحدة مغصوب عليها ولا معاها تليفون ولا أي حاجة، وممنوع عنها الزيارة حتى بناتها عشان اللي بيقولوا انهم تواصلوا معها وكلموها، دا محصلش.
- - سأقاضي أخو شيرين عبد الوهاب، ولم أتنازل عن القضايا ضد شيرين لإرضاء أسرتي ولكني لن أضرها، مازلت أحبها.
