نضال الأحمدية تفتح النار على حسام حبيب: كنت بتدي شيرين السم الهاري و بتعايرها ا إنها متعرفش إنجليزي
شنت الإعلامية نضال الأحمدية هجوما حادا على الفنان حسام حبيب بعد تصريحاته الأخيرة مع الإعلامي عمرو أديب.
وقالت نضال الأحمدية عبر مقطع فيديو نشرته عبر صفحتها على "يوتيوب": "شيرين كانت عمله لمحمد أخوها توكيل عام شامل، يعني يقدر يبيع كل حاجة، لما شككوا فيه، جه لحد عندها وقطعه، شيرين بكره هتأكد لكم هذا الكلام، حتى أعداء محمد بالمهنة، واللي اختلفوا معه، بيحلفوا إنه ما سرقها في جنيه واحد".
نضال الأحمدية لـ حسام حبيب : مين كان بيجبلها السم الهاري اللي كانت بتاخده؟
وتابعت : "عمرو أديب سأل حسام حبيب، هل انت مدمن؟، قاله، ده كلام منطقي؟!، أنا أهلي عندهم مستشفيات، أنا أهلي مش هسيبوني، معقولة؟، يا أخي انت بتعترف، إنك بعدت الكل عنها، والكل في رأيك بيعتدي على شيرين وبيسرقها، وبياخدها بالغلط، وبعدت عنها كل خلق الله، بما فيهم أهلها، طب مين أهلها، مش انت؟، طب انت أهلك مش هيسيبوك؟ ليه سبت شيرين توصل للمرحلة دي؟، مين كان بيجبلها السم الهاري اللي كانت بتاخده؟، ليه ما شلتهاش وأخدتها للمسشفتى زي ما عمل أخوها؟".
واستكملت: "إحنا بنعمل مالنا بعرق جبينا، وما بنعيش على قفا شيرين، بتأكلنا وبتلبسنا وبتشربنا وبتعيشنا وبتركبنا السيارات، وبتصرف على والدتك وبتصرف عليك، مين بيدفع لأمك؟، مين معيش أمك؟، انت ولا ابوك؟ ولاشيرين؟".
نضال الأحمدية: حسام حبيب كان بيلاحق شيرين من 2007
وعن طريقه معرفتها بـ حسام حبيب، قالت:"فنانة صديقة لما نشرت تسجيل صوتي وبعدها مقابلة شيرين وحدثت ضجة، قالت لي كان بيجي لحد عندي في 2007، 2008، من وقتها بيلاحق شيرين، حتى كان بيلزق فيهم، شيرين أكتر من مرة كانت بتقولهم، ده مين؟، ده معانا على طول ليه؟، كانوا بيقولوا لها معلش، كانوا بيشفقوا عليه، ما كانوا عارفين إن عنده خطط، ومستعد يعمل أي شيء للسطو عليها".
وواصلت: أعلنت اعتزالها 2016 ورجعت لما تزوجته، طبعا هبط عليها، وعرف إن فريسته كانت جاهزة، ووقتها طلعت قالت، حسام حماني وطبعا كنت مدمرة ورجعني وساعدني، الضحية فكرت كده، وقتها إحنا مكناش نعرف مين حسام؟ وعايز يعمل إيه؟، إلى أن قعدت في البيت واختفت".
نضال الاحمدية لحسام حبيب: "اختفيت لتهرب من كشف الإدمان؟"
وأكد نضال الأحمدية أن حسام حبيب اختفى لمدة 4 أيام بعد دخول شيرين المستشفى ليتهرب من الفحص الطبي الذي كان سيثبت إدمانه.
وأضافت: "حسام حبيب شخصية نرجسية، وده مرض بده يحكم على كل شيء، وهذا الشخص لما بيمسك ضحية بيفضل يستمتع وهو بيمص دمها، انت سبت شيرين ليه وليه مخدتهاش على المستشفى أو سفَّرتها برا؟ شيرين عبد الوهاب في 2014 كانت بتبعتلي دوا وكان أعشاب هو ده اللي كانت بتاخده فهل كانت مدمنة قبل حسام؟".
نضال الأحمدية تكشف تهديد حسام حبيب لها
وقالت نضال الأحمدية: "هل محمد أخو شيرين ضربوا وسحلوا؟، كذاب، هو عدى على أخته وأخدها، خدها بالقوة بالحسنى مش مهم، أخته بهذه الحالة كانت تحت رحمة حسام الوحش، فاقدة للأهلية، ولو أنا أختى كنت هعمل كده، أصلا لو أنا كنت قادرة أجي على مصر، ليه مقدرش أجي؟، حسام هددني، وهددني علنا قدامكم، وبيقول إنه واصل، وعلاقاته كبيرة، طيب أنا أوكيه مش بخاف، بس كمان أنا مش هبلة، حتى شيرين كانت بتقولي أيوه عنده علاقات، أنا بحكم عقلي، عارفة إن النيابة العامة هتبرئني والقضاء المصري محترم، بس أنا هكون تبهدلت بهدلة طويلة عريضة أنا في غنى عنها".
وتابعت: "هنا عاوزه أسأل السلطات، وإذا حبيتوا ما تردوش بشكل مباشر، ردوا عليا وعلى ناس كتيرة، بيهددهم حسام حبيب، إزاي يعني واصل عندكم؟، مصر العظيمة كيف يعني واحد بيقول واصل عنده علاقات ومدعوم، كيف بيصير؟، راعبنا، مش عشان إحنا جبنا، رعبنا لإن كل الناس بتقول كده، أنا ما أخدت على كلامه، أنا أخدت على كلام الناس بيقولوا كده وأكدوا لي، أيوه مظبوط، كيف تقبلوا كده؟، كيف تقبلوا ده على شيرين، اللي مثل الوردة، يقطفها عن أمها ويعصرها".
نضال الأحمدية: "حسام حبيب كان بيعاير شيرين إنها مش بتعرف إنجليزي"
وأضافت : "نقطة مهمة كتيرة هحكيها للشعب المصري والعربي واللبناني، حسام حبيب كان بيعاير شيرين إنها مش بتعرف إنجليزي، حتى وصل إن يقنعها إن هي غلط إنها مش بتعرف إنجليزي، هي غلط يعني هي مين؟، إنها وحشة مبتعرفش إنجليزي".
وأوضحت: "بيطلع يتكلم إنجليزي، إحنا بنتعلم اللغة لإننا محتاجينها علشان نهرب من لبنان بعكس ما يحدث في مصر، حسام مبيعرفش التاء القصيرة من التاء المربوطة، شوفوا كتاباتوا، ما بيعرفش لغته، عقد شيرين، أحكي أنا وياها ليل نهار، أقسم بالله شيرين عندها ذكاء فطري، اللي يعرفها بس هو اللي يعرف ده".
يذكر أن شيرين عبد الوهاب، تخضع حاليا للفحص الطبي والعلاج، في إحدى المصحات النفسية، حتى إكمال علاجها من إدمان المخدرات.
