سالي عبد السلام: ”لقيت قطة مسحورة على باب بيتي.. واتطلقت بعدها بساعات”.. فيديو
كشفت الإعلامية سالي عبد السلام عن تفاصيل مرعبة عاشتها بعد اكتشافها لواقعة غريبة تزامنت مع طلاقها الشفهي في نفس اليوم.
في حوارها مع الإعلامية بسمة وهبة خلال برنامج "العرافة"، روت سالي تفاصيل ما حدث:"زوجي وأخويا نزلوا يصلوا الجمعة، ولما رجعوا قالوا لي إن في حاجة غريبة على السلم. لقيت قطة عضمها متكسر وفي بقها ورقة، لبست قفاز، استخدمت مياه وملح، قرأت آية الكرسي، ورميت القطة بعيدًا".
وتابعت "في نفس اليوم اتطلقت شفهيًا، على حاجة تافهة مش مستاهلة خالص، وكنا لسه متجوزين جديد! سألت شيوخ كتير، وقالوا لي الطلاق ما وقعش لأنه كان نتيجة انفعال غير منطقي".
أوضحت سالي أنها لا تبحث عن التريند أو المبالغة، لكنها شعرت بأن ما حدث أكبر من مجرد صدفة:"اتعمل لي سحر على مرض مالوش علاج، وعدم إنجاب، وتفريق بين الأزواج. بس إحنا محصنين نفسنا بالأذكار، وربنا قال: وما هم بضارين به من أحد إلا بإذن الله".
رغم الواقعة الغريبة، أكدت سالي أنها لم تشعر بالخوف، وواجهت الموقف بهدوء، مستعينة بأدعية الشيخ الشعراوي:"أنا بموت في الراجل ده وبحب دعاؤه جدًا، قريته وشعرت براحة كبيرة".
في ختام حديثها، وجّهت سالي رسالة واضحة:"محدش يسيب نفسه للخوف. السحر موجود، بس تأثيره محدود طالما إحنا مع الله. تحصنوا بالأذكار، وربنا الحامي".
