سالي عبد السلام تكشف تفاصيل معاناتها مع مرض الثعلبة

كشفت الإعلامية سالي عبد السلام عن تفاصيل معاناتها مع مرض الثعلبة وإصابته به للمرة السابعة في 5 سنوات فقط .

وقالت سالي عبد السلام خلال لقائها في برنامج "كلمة أخيرة"، لـ الإعلامية لميس الحديدي عبر قناة ON: "كل أسبوعين أو 3 أسابيع في جلسة مدتها تلت ساعة باخد فيها 80 حقنة في الرأس، بسن صغير ورفيع بيوجع أكثر من الحقنة العادية، ولازم سن الحقنة يدخل في عظام الرأس عشان يجيب نتيجة".

وعن أعلان حالتها على السوشيال ميديا، أوضحت: "هي مش سهلة، وأنا قعدت أفكر هو أنا ممكن أوعي الناس ازاي.. الناس دايما شايفانا مبسوطين ومرتاحين، فقولت أنا هكتب ولأني شوفت أطفال في نفس الحالة".

اكتشاف سالي إصابتها بالثعلبة

وعن طريقه إكتشافها عن المرض، قالت:"أول مرة اكتشفت المرض كنت في الكوافير كان عندي فرح أخويا بعدها بيومين، فبتاع الكوافير قالي روحي لدكتور، لما روحت وريت لمامتي شعري فضلت ساكتة وصورته ليا لقيت 5 دواير فاضية من الشعر وحسيت بقهرة".

وتابعت: "وأول لما قومت من المرض روحت 57357 لقيت واحدة جمبي عندها 17 سنة بتقولي تفتكري هتجوز بعد ما شعري كله وقع ؟، وقولتلها طبعا هتتجوزي".

سالي عبد السلام: أنا فاكرة كل مرة نمت مقهورة وجالي فيها التعلبة مين كان السبب

وأضافت سالي: "أنا جاتلي الثعلبة 7 مرات، وأنا فاكرة كل مرة مين اللي خلى التعلبة دي تيجي، وفاكرة كل مرة مين اللي زعلني ونمت مقهورة لأن فعلا اللي بينام زعلان بيموت".

واستكملت: “يعني أنا قعدت أمثل أن أنا قوية وجسمي رفض يمثل معايا، التعلبة كانت بتروح وتقعد 6 شهور سنة، المرادي كانت لسه خلصانة من رمضان ومفيش أقل من 4 شهور وراحت جت”.

يذكر أن سالي عبد السلام احتفلت بزفافها في أكتوبر الماضي، في أحد فنادق القاهرة الكبرى وسط حضور نخبة كبيرة من المشاهير والنجوم.