سالي عبد السلام تكشف هوية زوجها وهذه مهنته
كشفت الإعلامية سالي عبد السلام عن هوية زوجها بعد إعلان زواجها يوم السبت الماضي.
ومع انتشار خبر الزواج سادت العديد من التكهنات عبر السوشال ميديا عن هوية الزوج واختلفت الأخبار عن كونه رجل اعمال أو خريج الـAUC و نشأت بينهما قصة حب.
ومن جهتها كشفت سالي عبد السلام في رسالة لمتابعيها عبر "إنستجرام" أن زوجها مؤمن الباز، ظابط مهندس وليس رجل أعمال.
وكتبت "عبد السلام": "الحمدلله الذى تتم بنعمته بالصالحات، ماشاء الله اللهم بارك، لما يتقالى مصر كلها فرحنالك ده رزق، لما الناس دى كلها اللى بحبها تيجى ده رزق، كل واحد عمل شغله بحب فى الفرح ده رزق".
وأضافت: "إن يتقالى قفلتى الجيزة كلها ومفيش مكان فى باركينج الأوتيل، الناس بتركن برا صف تالت عشان تجيلكوا ده رزق وإحنا آسفين، طول عمرى كان نفسى اتجوز ظابط محترم وطيب وبيخدم الناس لله، ربنا رزقنى بظابط مهندس، مقدم مؤمن الباز، ابن عمدة الشرقية الحاج سالم حبيبى الله يسعده".
وتابعت : "صبرنا أنا ومؤمن ٣٦ سنة وهو صبر ٤ أيام أكتر، هو أكبر بـ ٤ أيام. كل المعلومات اللى الاخوة الصحفيين كتبوها مش صح، لا رجل اعمال ولا خريج الـAUC، الحمدلله حمداً كثيراً، وبرضه محدش هيصدق عرفنا بعض إزاى".
واختتمت: "يا طيب يا جدع يا محترم يا خدوم يا ابن الحلال…بحبك فى الله يا طيب. ربنا يرزق الكل يا رب، إدعولنا محتاجين دعوات كتير أوي، جبرنا بخاطر الكل، يا رب اجبر بخاطرنا".
يذكر أن سالي عبد السلام تقدم برنامج "قصة حقيقة" عبر القناة الأولى بالتليفزيون المصري، كما تقدم البرنامج الإذاعي "البرنامج اللي بيقولوا عليه" عبر إذاعة ميجا FM".
