إلهام شاهين عن قصف مخيمات رفح الفلسطينية: قلبنا موجوع .. و اللي إسرائيل بتعمله خرق لكل المواثيق الدولية
عبرت الفنانة إلهام شاهين عن حزنها الشديد بما يحدث في مدينة رفح الفلسطينية، من قبل قوات الاحتلال الإسرائيلي.
ونشرت إلهام شاهين عبر حسابها الرسمي بموقع التواصل الإجتماعي "انستجرام" فيديو لكلمتها في حفل الجمعية المصرية لكتاب ونقاد السينما باليوبيل الذهبي، قالت فيه: "أنا تقريبا مانمتش يعني فتحت التليفزيون وبدأت أشوف الأخبار مصدقتش اللي بيحصل في فلسطين، قلبنا موجوع جدا وعايزين نقولهم إن مش معنى إننا بنحضر مناسبات أو مهرجانات طبيعي الحياة لازم تستمر، لكن إحنا جوانا ألم كبير جدا للي بيحصل في فلسطين".
وأضافت: "يعني اللي بيحصل امبارح ناس نايمة في خيم على الأرض وبيوتها تهدمت، فتتفجر وتتحرق ونشوف مناظر ونسمع صراخ يعصر القلب عصر، المجتمع الدولي فين من اللي إسرائيل بتعمله وخرق كل المواثيق الدولية وكل ما يخص حقوق الإنسان شيء زاد عن حده".
وتابعت: "بالرغم أن كل المجتمع أو أغلبه دلوقتي مع فلسطين وحق فلسطين في إقامة دولتها ومع حقهم في دفاعهم عن أرضهم، إسرائيل بتقول أنا بحارب الإرهاب أي إرهاب؟ اللي بيدافع عن أرضه يبقى إرهابي".
واتمت : "أنا لو حد قرب من مصر أنا أول واحدة هنزل أحارب عن مصر وكلنا هننزل نحارب لو كل واحد بيحارب عن بلده اسمه إرهابي أنا بعلن إني النهاردة هكون إرهابية".
أخر أعمال إلهام شاهين
يذكر أن أخر أعمال إلهام شاهين، مسلسل ألفريدو والذي تعاون فيه مع أحمد فهمي، ندى موسى، أمير شاهين، وغيرهم من النجوم، وهو من تأليف عمرو محمود ياسين، ومن إخراج عصام نصار.
