منى زكي تكشف عن الصعوبات التي واجهتها في فيلم “رحلة 404”
كشفت الفنانة منى زكي عن الصعوبات التي واجهتها في فيلم “رحلة 404” والذي بدأ عرضه في السينما المصرية والعربية منذ أيام قليلة.
وقالت منى زكي خلال حلولها ضيفة على برنامج صاحبة السعادة والذي تقدمه الإعلامية إسعاد يونس على قناة dmc: استاذ هاني خليفة اللي جابلي الورق وأنا لما قريت الورق وشوفت الكتابة الحلوة بقيت اقول ايه الشخصيات دي وايه الفلسفة اللي ورا الحدوتة المحكية وايه الشعور اللي بيحصلي كل أما اقرأ السيناريو مخي كان بيقعد يفكر كتير.
وتابعت: والكلام ده كان في 2013 وكنا متحمسين جدا نشتغل بس انا حملت في ابني الوسطاني ومن هنا بدأت صعوبات الفيلم وكل منتج كان بيعجب بيه بس بيقول مش هقدر أنتجه ، لأنه ممكن يكون مش قريب للناس، وهي فعلا حدوتة مختلفة لكن وراها فلسفة ممكن تبقى قريبة من أي حد في الدنيا، وقعدنا سنين كده.
وتدور أحداث فيلم "رحلة 404" قبل أيام من سفر "غادة" إلى مكة لأداء فريضة الحج، حيث تتورط في مشكلة طارئة، فتلجأ لأشخاص من ماضي ملوث كانت قد قطعت علاقتها بهم من أجل جمع مبلغ مبالي كبير، فهل تتمكن من جمع المال والسفر لفريضة الحج، أم تتغير حياتها للأسوأ بعد لجوئها لأصدقاء الماضي.
أبطال فيلم "رحلة 404"
ويشارك في بطولة فيلم "رحلة 404" كلا من: منى زكي، محمد علاء، حسن العدل، محمد فراج، محمد ممدوح، شيرين رضا، شادي ألفونس، ومن إخراج هاني خليفة وتأليف محمد رجاء، وإنتاج حمد حفظي عبر Film Clinic وشاهيناز العقاد عبر Lagoonie Film Production.
