لهذا السبب.. منى زكي تعتذر لنجلتها على الهواء (فيديو)
![منى زكي](https://media.elamwal.com/img/23/09/04/231911.jpg)
قررت الفنانة منى زكي الاعتذار لابنتها الكبرى "لي لي" على الهواء بسبب معاملتها الشديدة معها في صغرها.
وقالت منى زكي خلال لقائها ببرنامج كلام نواعم الذي يعرض على قناة MbC 1: بعتذر لبنتي عن سخافتي معاها؛ لأني كنت شديدة معاها أكتر من أخواتها الولاد؛ لأنها كانت أول بنت ليا وأنا صغيرة في السن وكنت شايفة إن الصح صح وكل حاجة بنظام وعقاب بعتذرلها طول الوقت.
وتابعت: اتعلمت إن مفيش حاجة اسمها عقاب هي عواقب أفعالك ولازم طول الوقت تفكريهم بالعواقب مش بالعقاب.
وعن مصطلح التربية الإيجابية في رأيها، أوضحت: "ناس كتير بتفهمه غلط، إن معناه الولد يبجح في أهله ويبقى زيه زيهم، التربية الإيجابية هي إنك تديه ثقة في نفسه، ويبقى عارف إزاي يتعامل مع الناس، وتكبري الحاجة الكويسة جواه، مش تدلعيه".
وأكدت منى زكي، أنه من المهم وجود صداقة بين الوالدين والطفل لوجود الإمان للبوح بإي مشكلة ستواجه.
أخر أعمال منى زكي
يذكر أن أخر أعمال منى زك يمسلسل "تحت الوصاية" والذذي شاركت به في موسم رمضان 2023 ، وتكون من 15 حلقة، من تأليف خالد دياب وشيرين دياب، وشارك في بطولته إلى جانب منى زكي، رشدي الشامي، دياب، أحمد خالد صالح، علي الطيب، عمر شريف، خالد كمال، إخراج محمد شاكر خضير.