باسم يوسف عن إنقاذه حياة ”عماد أديب”: عملت اللي بيعمله أي واحد في أولى طب
علق الإعلامي باسم يوسف، على تصريحات الإعلامي عمرو أديب بشأن تدخله لإنقاذ حياة شقيقه عماد أديب الذي تعرض لأزمة قلبية مفاجئة في إحدى المؤتمرات المقامة بدبي.
وقال باسم يوسف في لقاء له مع برنامج et بالعربي : أنا مأنقذتش حياة حد، وسبب إن أستاذ عماد أديب في صحة كويسة إن رد فعل السلطات الطبية في دبي كانت سريعة والإسعاف كانت موجودة.
وتابع: لكن أنا معملتش أي حاجة، وأنا عملت اللي بيعمله أي واحد في أولى طب وكنت جنبه بقيسله النبض وطلبت من الناس نجيبله دكتور، ومعملتش أي حاجة خالص ولا أسعفته ولا عملت أي إسعافات، أنا كنت موجود وأي واحد تاني كان هيعمل كده وحمد لله على سلامته، بس أنا يعني معملتش كل الحاجات ديه.
وكان عمرو أديب تحدث عن انقاذ باسم يوسف لشقيقه خلال برنامجه الحكاية المذاع على شاشة قناة mbc مصر، حيث قال: “عايز أشكر الدكتور باسم يوسف اللي هو باسم يوسف اللي نعرفه، لأنه قام على الفور بقياس النبض والتدليك وقال إنه على طول لازم يتنقل، وجدعنة المصريين، وعلاقتي بباسم يوسف مش تمام، ولكن أكن لباسم يوسف كل الاحترام على اللي عمله، وهشيل ده، وهو ليه دين في رقبتي.. والجدعنة والشهامة لا تقدر بثمن”.
