حسن شاكوش يشن هجوما حادا على العسيلي.. لهذا السبب
شن مؤدي المهرجانات حسن شاكوش، هجوما عنيفا على الفنان محمود العسيلي، وذلك بعد تصريحات الأخير عن عن المهرجانات وتراجعها.
وقال حسن شاكوش عبر لايف بحسابه الشخصي بموقع إنستجرام: "كل نجم ليه وقت ولازم ياخد هدنة بس لما بيرجع بيطلع حاجات هتقعدكم في بيتكم، واحنا مجال المزيكا بتاعتنا والمهرجان والغنوة الشعبي ده مش هيموت، الناس تعبت من كتر الاكتئاب، والأغاني اللي بتجيب الاكتئاب وبتجيب ملل وبتعقدهم".
وتابع : الناس ما بتصدق تسمع أغنية شعبي ليا أو لأى مطرب شعبي زي حموبيكا وعمر كمال، وبيحبوا يسمعوا أغاني بتاعتنا عشان بنطلع الواحد من المود، أنا مثلًا كحسن شاكوش لما بسمع أغنية لشيرين عبد الوهاب أو كده ببقى عايش مود الأغنية، فبكون حزين.
واتم شاكوش حديثه: أغاني المهرجانات مكملة، وإحنا لسه هنبتدي في حياتنا ولسه صغيرين، ومفيش واحد فينا عدي الـ 40 أو 35 سنة، وإن شاء الله مكملين في النجاح، والنجاح اللى إحنا قدمناه يشغلنا ويعيشنا 20 سنة قدام، بس إحنا مش آخرنا كده، إحنا عايزين نطّور ونجدد.
وعلى الجانب الأخر، ينتظر شاكوش طرح أغنيته الجديدة مع الفنان محمود الليثيوالتي تحمل عنوان "ست البنات" من فيلم "حمص وحلاوة" والمقرر طرحها يوم 18 يناير الجاري.
