حسن شاكوش يكذب طليقته ريم طارق:استلمت منقولاتها الشخصية بالتراضي
علق مؤدي المهرجانات حسن شاكوش على تصريحات طليقته ريم طارق الأخيرة والتي قالت فيها أنها لم تستلم منقولاتها، بالأضافة إلى إجبارها على نشر فيديو الاعتذار .
وكتب حسن شاكوش عبر خاصية القصص القصيرة بـ حسابه على موقع تبادل الصور والفيديوهات إنستجرام: "مساء الخير على جمهورى العزيز، تم استلام منقولاتها الشخصية بكل تراضي واحترام، بدون أي شجارات وبحضور شهود، بدليل هذا البوست على صفحتها الشخصية، وتم التواصل مع الأب والأم بالاتفاق مع المتوسطين بيننا وتوصلوا معايا بحل يرضى الطرفين، وهي وافقت على الاعتذار، أنا لم أجبر أحد على فعل شيء".
وتابع: " ملحوظة، بدليل آخر على إنها اخدت الشبكة، الخاتمين اللى في أديها كانوا في الشبكة، والموضوع خلص والقصه دلوقتى بقت قصة واحدة عندها هوس الشهرة واستغلال وسائل الصحافة والإعلام والترند بأسمي، يمكرون والله خير الماكرين".
وكانت ريم طارق، قالت في مقطع فيديو عبر خاصية استوري بحسابها الرسمي بموقع التواصل الاجتماعي "إنستجرام": كان إجباري عليا أعمل الفيديو قصاد أني أخد حاجتي، وفعلا عملت الفيديو عشان أخد حاجتي، وبعد ما أخدتها الفيديو نزل، والمفروض مكانش ينزل الا بعد ما المشكلة تخلص.
وأضافت: بس هرجع وأقول مفيش صلح حصل، وكل اللي حصل كان فيلم ولعبة عليا عشان السوشيال ميديا والإعلاميين يهاجموني، رضوى أنتي متعرفيش أنا اتعرضت لأيه عشان أعمل الفيديو دا، وكل حاجة اتكلمت فيها قبل كدا كانت بدليل، وكل حاجة معايا، وأنا قولت أن الصلح خير لكن واضح أن الطرف التاني مش حابب دا.
