بعد اعتذارها لحسن شاكوش.. ريم طارق توضح: كل اللي حصل كان فيلم ولعبة
اعترفت ريم طارق أن فيديو تصالحها مع طليقها مطرب المهرجانات حسن شاكوش تم إجبارها عليه من أجل الحصول على أغراضها في منزل الزوجية.
وأوضحت ريم طارق في مقطع فيديو عبر خاصية استوري بحسابها الرسمي بموقع التواصل الاجتماعي "إنستجرام": كان إجباري عليا أعمل الفيديو قصاد أني أخد حاجتي، وفعلا عملت الفيديو عشان أخد حاجتي، وبعد ما أخدتها الفيديو نزل، والمفروض مكانش ينزل الا بعد ما المشكلة تخلص.
وأضافت : بس هرجع وأقول مفيش صلح حصل، وكل اللي حصل كان فيلم ولعبة عليا عشان السوشيال ميديا والإعلاميين يهاجموني، رضوى أنتي متعرفيش أنا اتعرضت لأيه عشان أعمل الفيديو دا، وكل حاجة اتكلمت فيها قبل كدا كانت بدليل، وكل حاجة معايا، وأنا قولت أن الصلح خير لكن واضح أن الطرف التاني مش حابب دا.
ريم طارق تعلن انتهاء خلافاتها مع حسن شاكوش
وكانت ريم طارق نشرت مقطع فيديو تعتذر من خلاله لطليقها حسن شاكوش عبر حسابها الرسمي بموقع إنستجرام، قالت فيه: "أنا عاملة الفيديو ده انهاردة عشان أقول إن أنا اخدت حاجتي كلها كل حقوقي الشرعية خدتها من حسن والحمد لله إني طلعت شخص كويس وهو كمان شخص كويس وراجل محترم وكل اللي حصل ده كان سوء تفاهم بسبب تدخل أكتر من طرف".
واستكملت: "وأي حد سيرته جت في الموضوع سواء من أهلي أو أهله مامتي أو بابايا أو مامته ربنا يديها الصحة حقكم على راسي وكل اللي حصل ده كان سوء تفاهم وكل شيء قسمة ونصيب".
كما قامت "ريم" بكتابة منشور على الفيديو وتضمن: "اللهم لك الحمد الموضوع خلص على خير وده الي كنت بتمناه من البداية خراب البيوت وحش ومش ترند ده أبغض الحلال عند الله الطلاق، واجتنبوا كثيرًا من الظن إن بعض الظن إثم، ربنا ما يكتب على أي حد التشتيت أو تفريق القلوب ربنا يكتب لنا الخير ويعوضنا في اللي جاي ويبعد عنكم جميعًا خراب وهدم البيوت".
