فيديو.. حسن شاكوش يخرج عن صمته ويرد على اتهامات طليقته:اللي كنت هتكلم فيه طليقها اتكلم وقاله

خرج المطرب الشعبي حسن شاكوش عن صمته ليرد على الاتهامات الأخيرة من طليقته ريم طارق، وذلك من خلال مقطع فيديو نشره عبر حسابه الشخصي على موقع التواصل الاجتماعي فيسبوك.

حسن شاكوش يرد على اتهامات طليقته الأخيرة

وقال حسن شاكوش : أنا كنت ساكت كتيرجدا، والفترة اللي فاتت نزلت بوست على صفحتي، وقلت مستحيل أتكلم على واحدة كانت مراتي أو مش مراتي،وأنا عمري في حياتي ولا جبت سيرة بنت ولا غلطت في حق بنت لأني عارف يعني ايه المرأة المصرية، وعارف يعني ايه شرف المرأة المصرية، وزي ما المرأة ليها شرف وكرامة بردو الراجل المصري ليه شرف وكرامة وسمعته، وأنتو عارفين أن شغلنا كله معتمدعلى سمعتنا.

وأضاف شاكوش: أنا بعمل أغاني للبنات وللمجتمع بتاعي ولجمهوري وللناس اللي بتحبني، كل الناس اللي بتسمعني ناس محترمة وناس ليهم كل التحية والتقدير ومينفعش أجيب سيرة أي واحدة في أي وحش، دا اللي أنا اتربيت عليه.

وواصل: أنا من منطقة شعبية وراجل صعيدي، ومتكلمتش طول الفترة دي مش عشان خوف ولا ضعف، عشان كانت الإنسانة دي في يوم من الأيام مراتي، ما بينفعش اتكلم في حاجة تمسني أو تمسها لأني لو اتكلمت أو جبت سيرتها هتعود عليا علشان كنت في يوم من الأيام الراجل بتاعها وجوزها، وما ينفعش الراجل يجيب سيرة مراته ورغم أبشع الألفاظ اللي سمعتها.

واستكمل: كنت بقول لأهلي محدش يتكلم.. أنا طول الفترة اللي فاتت كنت في ضغط عصبي وكنت بنزل شغلي في عز الضغوطات وفي عز المشاكل ما اتكلمتش، طلعت أوضح المعلومة وأني ليا حق الرد وأن زي ما الست المصرية عندها شرف وكرامة لازم نحترمها والراجل كمان عنده شرف وكرامة وبقول كفاية كده لازم لما تسمعوا من الطرفين وللأسف وصل بينا المرحلة أننا نتكلم في شرف الراجل وشرف الست واللي سمعته في حقي ما يرضيش ربنا.

حسن شاكوش: اللي كنت هتكلم فيه طليقها اتكلم وقاله

وأتم: واللي أنا كنت عايز اتكلم فيه ومنعت، برامج مصر كلها كانت عايزاني اطلع اتكلم ومرضيتش اتكلم في عرضي، وعلى إنسانة كانت في يوم مراتي، والكلام اللي الواحد سمعه دا ميرضيتش ربنا، أنا اتجوزت 55 يوم فقط، واللي كنت هتكلم فيه طليقها اتكلم فيه وقاله.

اتهامات ريم طارق لـ حسن شاكوش

وكانت ريم طارق وجهت اتهامات صادمة لـ حسن شاكوش خلال لقائها ببرنامج " 90 دقيقة"، حيث قالت: هو طلقني عشان ميتعرضش على الطب الشرعي وأختي قالتلي ابعدي عنه عشان متتلبسيش وخليه يقول كان بيحصل معاه ايه وهو نايم وكنت واقفة جمبه.

كما كشفت عن خيانته لها، موضحه:كنا في نهار رمضان، كان في ممثلة مشهورة عندها مشكلة صحية تالت حرف من اسمها ر راح أكل معها في شاليه بالعين السخنة، ولما رجع البيت كتبت له وصلت يا حبيبي.. وبينهم علاقة.

وأضافت:" قعدت 30 يوم في شهر رمضان أشوف حاجات زي كده ومختلفة وفي وقت من الأوقات الفنانة دي حبت تسمعني صوتها كانوا مع بعض وقعدت تضحك.. حلال عليها".