بسمة وهبة تدافع عن ريم طارق بعد اتهامات زوجها حسن شاكوش: انت داير و مش ممكن واحدة تضحك عليك
![حسن شاكوش وزوجته وبسمة وهبة](https://media.elamwal.com/img/23/05/17/225242_1684312782.jpg)
قامت الإعلامية بسمة وهبة بتبرئه ريم طارق زوجة حسن شاكوش بعد اتهاماته الأخيرة، مؤكده أنه يعلم بزواجها السابق.
وقالت بسمة وهبة خلال لقائها ببرنامج ET بالعربي: " في حاجة طالعة بتدين ريم وأنا هبرأها منها .. بيتقال إن ريم كذبت في إنها كانت متجوزة قبل كدة لا ريم مكذبتش وهي قاعدة لما هاجمتها وقولتلها ليه عملتي سجدة الشكر قدام الناس فقالتلي لا أنا كنت سعيدة وحاسة إن ربنا بيعوضني عن تجربة عانيت فيها.. هي التجربة دي إيه؟ ما أكيد تجربة جواز".
وعن حلقتها معهم في برنامج "العرافة" الذي عرض في رمضان المنصرم: خدت شيخ العرافين على جنب واتخانقت معاه وقولتله أنا اللي باخد الكلام في الأخر وبيقولوا إن أنا خرابة بيوت، ودا بقى خراب بيوت فعلا .. إنت مكنش ينفع تقول كده..وفي حاجات كمان اتشالت في المونتاج واتخانقت مع شيخ العرافين وقلت له أنت كده بتخرب البيوت والناس بتهاجمني أنا.
وتابعت :"لو كان طلاقهم بسببي كان إيه اللي هيخليهم قاعدين كل ده من بعد الحلقة كويسين؟".
ووجهت لحسن شاكوش رسالة، قائلة: " أنا عايزة أقول لحسن إنت أكيد كنت عارف إن ريم كانت متجوزة وأكيد القضية اللي هي رافعاها على طليقها هتبان وبعدين حسن داير .. إنت مش ممكن واحدة تضحك عليك وتقولك إنها أنسة وإنت متكونش عارف إنها اتجوزت قبل كده .. أكيد عارف حكايتها".
يذكر أن حسن شاكوش احتفل بزفافه في حفل كبير أقامه قبل أيام من شهر رمضان الماضي، وشهد الحفل حضور مجموعة كبيرة من الفنانين منهم تامر حسني، رامي صبري، مصطفى قمر، محمد نور، أحمد بتشان، محمود الليثي، حمو بيكا، عمر كمال ورضا البحراوي.