أحمد عصام يكشف كواليس حفل تامر حسني بالعلمين

كشف الفنان أحمد عصام، مصمم التأثيرات البصرية، عن كواليس حفل النجم تامر حسني في العلمين الجديدة .

وشهد الحفل هبوطه تامر حسني على المسرح طائرا في الجو لمفاجأة جمهوره في المهرجان بشكل جديد لم يظهر في المسارح المصرية من قبل.

وقال أحمد عصام خلال لقاء مع برنامج "مساء dmc": : فكرة الطيران دي فكرة تامر، في فيلم تاج هو كان طالع سوبر هيرو فكان بيطير طول الوقت، ومثلا التصوير بتاع الفيلم 3 شهور هو قعد شهر متعلق كل يوم سبع ساعات، ولما جينا نعمل الحفلة تامر قالي ايه رأيك تيجي الدخلة تبقى كدا، وستعان بنفس الكرو اللي كان معاه في الفيلم.

وتابع عصام: تامر طلع في 3 ثواني 40 متر، ودي حاجة صعبة جدا ومش أي حد يعملها، وهو بيحب طول الوقت يبقى مختلف، ويعمل حاجة يبسط بيها الناس، وكل دا معمول حسابه، ومتجرب ومعمول عليه بروفات، والحفلة دي اشتغل عليه 700 واحد.

أخر أعمال تامر حسني

يذكر أن أخر أعمال تامر حسني فيلم "تاج" وشاركه البطولة دينا الشربيني، وساندي، وبيومي فؤاد، وهو من تأليف تامر حسني وإخراج سارة وفيق.