بسمة بوسيل تشن هجوماً على مديرة أعمال تامر حسني: سبب في خراب بيتي وحياة أولادي
أثارت الفنانة المغربية بسمة بوسيل، بين رواد مواقع التواصل الاجتماعي بعد هجومها على مديرة أعمال طليقها الفنان تامر حسني هالة عمر في ليلة زفافها الذي أقيم منذ ساعات.
ونشرت بسمة بوسيل عبر خاصية القصص المصورة على "إنستجرام"، صورة تامر حسني مع مديرة أعماله في زفافها وعلقت "حسبي الله ونعم الوكيل فيكي يا هالة".
بسمة بوسيل: هالة عمر سبب في خراب بيتي وحياة أولادي
وكتبت في "ستوري" أخرى : "احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك".
تامر حسني يتحدث عن مديرة أعماله
وكان قد تحدث تامر حسني عن مديرة أعماله هالة عمر، التي أحيا حفل زفافها رفقة عدد من نجوم الفن، وقال: “لكل اللي بيسأل عن ايه وجه القرابه بيني و بين العروسه الجميله دي شايف اسأله كتير انا هحكيلكوا .. هي اسمها هاله عمر عرفتها كانت بنت من الفانز صغيره و من المقاتلين و المدافعين عن تامر على الانترنتو من كتر دفاعها عني لفتت نظري و مره رديت عليها شكرتها “ .
وتابع: “ و لما سافرت اسكندريه في الوقت ده لقيت بنت صغيره اوي بتعيط و بتجري عليا فا وقفتلها و فكرتني بنفسها و فضلت تعيط و تقولي احنا معاك و لازم تكمل عشان كنت بتحارب جداً في بداياتي فا اتصدمت ان اللي بتقول كده بنت صغيره كده و المجهود ده كله اللي عاملاه بنت صغيره عندها ١٤ سنه “.
واستكمل: “وقتها كانت السوشيال ميديا لسه بتطلع و كنا في شركتنا بندور على شركه كبيره تمسكلي السوشيال ميديا لحد ما قولتلهم انا مش عايز شركه كبيره انا عايز البنت الصغيره دي هي اللي تمسكها فضلوا يقنعوني ان كده مش صح ولازم اكتر حد خبره يمسكها وانا قولت لا لازم اكتر حد بيحبني هو اللي يمسكها و انا واثق ان طاقة الحب مفعولها اقوى من طاقة المحترف بلا حب فعرضت عليها تشتغل معايا و هي في السن ده مصدقتش طبعاً و من ساعتها و هي اللي ماسكه كل شغل الميديا الطفله الشاطره اللي كبرت دلوقتي قدامكم هاله عمر“.
وأضاف:“ اما بقى عريسها العسل ده اسمه عمرو طلب اديها مني انا عشان والدها و والدتها توفاهم الله. في سنه واحده رحمهم الله ياريت نفتكرهم و نهديلهم ثواب الدعاء و الفاتحه .. و من اللحظه دي اتحولت هاله لبنتي الكبيره بجد اللي بتتجوز دلوقتي قدامي و بسلمها لعريسها بنفسي و بغني في فرحها “.
واختتم:“معرفتش ارد على كلامك عني في الفرح يا هاله رديت دلوقتي هنا ربنا يكرمك و يسعدك مع جوزك الجميل المحترم اللي هيكون ضهرك و سندك و يكمل معاكي مشوار حياتك مع اولادكم الجُمال بإذن الله“.
طلاق بسمة بوسيل وتامر حسني
يذكر أن بسمة بوسيل أعلنت انفصالها عن زوجها تامر حسني ووقوع الطلاق بينهما بعد زواج دام 11 عاما، إذ تزوج الثنائي عام 2012، وذلك من خلال حسابها عبر "إنستجرام".
و حيث كتبت عبر خاصية ستوري عبر حسابها على "إنستجرام": "وجعلنا بينكم مودة ورحمة.. ده كلام ربنا في الزواج والطلاق، لقد تم الطلاق بيني وبين تامر وسيظل بيننا كل ود واحترام.. ربنا يكتبلك ويكتبلي كل الخير.. آمين يارب".
ورد عليها تامر حسني قائلا: "وجعلنا بينكم مودة ورحمة بين الأزواج في كل حالاتهم، سواء تزوجوا أو لم يقدر الله الاستمرار.. فانفصلوا بالاتفاق الطيب وستظل بيننا المودة والرحمة وأجمل أولاد وسيظل بيننا الاحترام والتقدير، عشرة 12 سنة مش هينة، ربنا يكتبلك ويكتبلي كل الخير يا بسوم.. سأظل الأب والأخ والصديق والسند.. في حفظ الله".
أعمال تامر حسني
وعلى الجانب الأخر، يواصل تامر حسني تصوير فيلم "تاج" وهو ي التجربة الثانية التي تجمعه مع المخرجة سارة وفيق بعد فيلم "مش أنا"، الذي عرض عام 2021، وهو من بطولة الفنانة حلا شيحة، الفنانة سوسن بدر، ماجد الكدواني، شيرين، حجاج عبد العظيم، وعدد من ضيوف الشرف، من بينهم الفنان إياد نصار، محمد عبد الرحمن، عصام السقا.
