مروة عبد المنعم: محدش وقف جنبي في محنتي و مصدومة في تامر حسني
تحدثت الفنانة مروة عبد المنعم عن محنتها الشديدة التي أبعدتها عن العمل في الفن لفترة طويلة، مشيرة إلى وجود عدد كبير من الأشخاص والفنانين الذين تخلوا عنها في محنتها.
وقالت مروة عبد المنعم خلال حلولها ضيفه في برنامج "قعدة ستات"، المذاع على شاشة "القاهرة اليوم" : كنت قاعده بقول لبنتي مش عارفه أنا صرفت عليكم طول السنين اللي فاتت دي ازاي؟ بس اهي بتمشي، أنا وقفت جنب نفسي محدش وقف جنبي، طبعا بعد ربنا، ربنا ده عظيم وكريم، بقعد ساعات أقول أنا بصرف السنة دي ازاي؟
وتابعت: بس في ناس وقفت معايا في محنتي زي أشرف زكي وقف معايا جامد جدا الصراحة، إدوارد كان وقتها معايا، أحمد صفوت، وأحمد زاهر وقف معايا في حاجات كتير جدًا، ومش هقول مين اتخلى عني ومين ناس استنيت إن هما يبقوا معايا وملقتهومش لان ده سايب جوايا زعل اه مكنوش صحابي أوي او بنخرج سوا بس على الأقل في بينا عشرة من الوسط الفني، ولما كنت أقابلهم في لوكيشن بيقوليلي إيه الأخبار وبيسلموا عليا ويقولوا احنا سمعنا عنك كذا طب سمعتوا كنتوا اسألوا .
مصدومة في تامر حسني
وأضافت:كنت متخيله إن تامر حسني يسأل عليا، وخاصة انه لما كان لسه في عمر وسلمى وحصله مشكلة و روحتله مع إني لسه مكنتش صاحبته، بس بينا عشرة شغل وتامر من الناس اللي قريبة مني، ومبعتش رسالة ولا كلمني .
يذكر أن مروة عبدالمنعم بدأت مسيرتها الفنية في مجال التمثيل، عام 1999، من خلال مسلسل "أم كلثوم"، ثم توالت بعدها الأعمال المشاركة فيها، خصوصا في مجال الدراما التلفزيونية، ومن أبرز أعمالها: "الرقص على سلالم متحركة"، "زي الهوا" و"عمر وسلمى".
