تامر حسني يوجه نصائح للشباب.. تعرف عليها
وجه الفنان تامر حسني نصائح للشباب، عبر حسابه الرسمي بموقع التواصل الاجتماعي "فيس بوك".
وكتب تامر حسني: من خلال قراءتي ودراستي الفترة الأخيرة لبعض العلوم، وأهمها علم الدنيا اللي احنا فيها دي، ومن خلال تجربتي الشخصية، حابب اتكلم عن حاجه مهمة أوي وتخص كل واحد فيكم نفسه يتقدم في عصر الإحباط اللي احنا عايشين فيه ده.
وتابع : لو أنت غلطت في حاجة زمان، ده مش معناه إنك مينفعش تبقى ضد التصرف ده دلوقتي، دا مش نفاق انت بس كبرت وعقلت وفهمت وبقيت أفضل زي ما ربنا عايزنا نتطور للأفضل، فمتسمحش للناس إنهم يستخدموا ماضيك عشان يهدوا فكرك الحالي دلوقتي.
وأضاف : ده تطور طبيعي للّي عايز يبقى إنسان كويس وقلبه سليم، بالعكس بقى لازم لما حد يفكر يضايقك بطاقة محبطة، أنا عايزك تاخد الطاقة دي تشتغل بيها، وتحولها لوقود حرق يخليك تنجح وتعلى أكتر، عندًا في اللي عايزين يشوفوك فاشل.
واختتم: خليها بقى عادة عندك كل ما حد يحبطك تنجح، وتطور نفسك زياده لحد ما اللي بيحبطك يشوفك فوق جدًا، وفارق عنه ساعتها هيضرب نفسه بالجزمة إنه كان بيحاربك، عشان هو هتبقى طاقته فضيت وفشل، عشان وظف طاقته ليك وانت وظفت طاقتك وطاقته لخدمتك، فبقى عندك كذا دافع للنجاح يسخنك ويحفزك.
آخر أعمال تامر حسني
يذكر أن آخر أعمال تامر حسني فيلم "بحبك"، وشاركه البطولة هنا الزاهد، هدى المفتي، شهد الشاطر، فرح الزاهد، عاليا راشد، فرح كمال، أحمد عزمي، وهو من تأليف وإخراج تامر حسني.
