ياسمين صبري: بحس إني مولودة للكاميرا .. والمرأة مش في جسدها و شكلها بس
تحدثت الفنانة ياسمين صبري عن حبها الشديد لـ التصوير والكاميرا، بجانب حديثها عن أهمية دور المرأة في المجتمع.
وقالت ياسمين صبري في إحدى اللقاءات التي نشرتها عبر حسابها بموقع تبادل الصور والفيديوهات انستجرام: أنا بحس إني مولودة للكاميرا وبرتاح معاها وبتديني طاقة مهما كانت عدد الساعات اللي بقف قدامها، وبعتبر نفسي لسه مبدأتش ولا عملت حاجة؛ لأن طموحي مالهوش سقف وبؤمن أن الحياة اختيارات وكل شيء ممكن، ومفيش حد بدأ أو أشتغل ولم يواجه انتقادات.
واتجه حديثها عن دور المرأة في المجتمع، قائلة: المراة مش في شكلها بس وهي في السطح اللي جواها.
وأضافت : بحس أن المرأة محتاجة ست تعمل دور تاني عشان تاخد منها القوة، والمرأة بتلهم امرأة تانية ومش هيكون في جسدها ووجها بس.
وتابعت: أنا شايفة أن المرأة مش في جسدها وشكلها بس هي بتكون أكتر من كده زي روحها الجميلة وعقلها المُلهم وقلبها المُلهم، وأنا مؤمنة أن كل حاجة موجودة في الحياة بتكون مُلهمة.
ياسمين صبري تعود للساحة الفنية
وعلى الجانب الأخر، أعلنت ياسمين صبري عن عودتها للسينما بعد غياب من خلال فيلم أبو نسب مع محمد أمام، المقرر عرضه في موسم عيد الفطر المقبل.
كما كشفت ياسمين صبري عن تحضيرها لفيلم أكشن سيتم طرحه في عيد الأضحى المبارك، موضحه: "عندي كمان فيلم أكشن هينزل خلال الموسم الصيفي، ويمكن ده أول مرة لبطلة مصرية تعمل أكشن حقيقي لأنه فيه فرهدة وتدريب، والتدريب على الأكشن غير تدريب الصحة".
آخر أعمال ياسمين صبري
يذكر أن آخر أعمال ياسمين صبري، مسلسل "فرصة تانية" وهو من تأليف مصطفى جمال هاشم، و إخراج مرقس، وشارك في بطولته آيتن عامر، دياب، هبة مجدي، أحمد مجدي، محمد البزاوي .
