أحمد عصام يروي تفاصيل زفافه الأسطوري بحضور نجوم الغناء
كشف الفنان أحمد عصام عن تفاصيل حفل زفافه الأسطوري الذي حضره نجوم الغناء عمرو دياب، وتامر حسني، ومصطفى قمر، وحميد الشاعري.
وقال أحمد عصام خلال لقائه ببرنامج صاحبة السعادة: حميد الشاعري كان خلاص هيمشي بسبب التعب، وكمان تامر حسني كان خلص وعايز يمشي لكن أنا طلبت منهم يستنوا ويغنوا لوقت أطول.
وتابع: " وفجأه الدنيا اتقلبت، تامر وحميد ومصطفى بيغنوا يا غزالي، ده لوحده منظر مكنتش أتمنى أكثر منه، وفجأة لقينا زحمة ماشية من بعيد، ولقينا حبيبا كلنا عمرو دياب وصل، مع إن كان عنده شغل في اليوم ده ومكنتش هزعل منه لو مجاش".
وأضاف:" عمرو طلع لنا على الممشى وباركلنا، وحضن حميد عشرة عمره، ومصطفى وتامر ورحبوا بيه، وكلنا بنغني يا غزالي".
وأوضح أحمد عصام:"بعد غزالي لكا خلصت سمعت بداية أغنية "جلجلي" لحميد الشاعري، فأنا قولتلهم في المايك وقفوا هاتوا أغنية لـ عمرو عشان يعني معاهم ، لكن عمرو قاللي كلمة عمري ما أنساها، ليه توقفوا الأغنية أنا عايز جلجلي، وكلهم غنوها ورقصوا مع بعض".
وواصل: "بعد الأغنية ما خلصت تامر ومصطفى وكلنا قلنا عمور، واشتغلت أغنية "يا أنا يا لاء"، وبدأنا كلنا نغني ومش عايزين حالة الحب دي تخلص".
يذكر أن أحمد عصام احتفل بزفافه يوم 3 فبراير، في أحد الفنادق الكبرى في القاهرة، وحضر الحفل عدد كبير من النجوم ومنهم عمرو دياب، تامر حسني، محمد حماقي، وأحمد سعد، ومحمد منير وآخرون.
