منة فضالي تتعرض للنصب من مخرج مشهور.. وتستغيث من البلطجية
تصدرت الفنانة منة فضالي تريند جوجل، بعد ظهورها في بث مباشر عبر صفحتها الشخصية بموقع التواصل الإجتماعي "فيس بوك"، حيث تحدثت تعرضها للنصب من قبل المخرج العراقي صفاء الدين عايدي، والتي كانت تتعاون معه في فيلمٍ جديد .
وبدأت منة حديثها قائلة:" أنا عندي مشكلة كبيرة جدا وحبيت أطرحها على كل الناس، كمان يبقى تحذير لبعض زمايلي إنهم ممكن يقعوا في نفس الفخ اللي أنا وقعت فيه، الموضوع باختصار أنا دخلت فيلم مع مخرج عراقي اسمه صفاء الدين عايدي طلبني في شركة في المهندسين وروحت اقبله وقالي أنه عنده فيلم وفيلم مهم جدا هيتعرض على منصة شاهد وهيبقى معايا عدد من النجوم ومنهم الفنان مجدي كامل".
وتابعت:" يوم التصوير بتاعي لقيت الكاست كله متغير مفيش بس غير الاستاذ مجدي كامل، ولقيت ناس معرفهاش غير بعض زملائي اللي أنا عرفاهم، واتفاجئت إنّ كل شوية ناس تيجي للمخرج، تطلب حقوقها وعاوزين فلوسهم، وكان بيصدر لهم منتج فني اسمه حاتم فاروق، وده جابه بعد ما طردوا المنتجة الفنية الأولى وسام، وكان أي شخص بيطالب بفلوسه بيتعرض للإهانة والبلطجة".
وأضافت:" المخرج طلب يزورني في بيتي عشان يقنعني ارجع للتصوير، ووعدني أنه هيحل كل المشاكل، وده خلاني اعتذر عن شغلي في لبنان لاستكمال الفيلم".
و أوضحت"رجعت التصوير، ولاقيت لسه الناس بتطالب بفلوسها، لحد ما المخرج جاب بلطجي ومعاه مجموعة كبيرة، وكان أي حد بيطلب فلوسه يضربوه ويحبسوه في أوضة".
واستطردت منة فضالي ، قائلة: "إحنا كبشر معرضين إن حد يهجم علينا في بيوتنا دلوقتي، حتى عامل البوفيه اتعرض للضرب والإهانة من البلطجية لمجرد إنه طلب مستحقاته المالية المتأخرة 2800 جنيهً، أنا مش عارفة الناس دي بتنام أزاي وهم واكلين حقوق الناس".
