منة فضالي تثير القلق: المساعدة بتاعتي اتخطفت
![منة فضالي](https://media.elamwal.com/img/23/01/21/218413_1674294623.jpg)
أثارت الفنانة منة فضالي قلق الجمهور، بعد استغاثتها الأخيرة باختفاء مساعدتها الخاصة.
وكتبت منة فضالي عبر حسابها بموقع التواصل الاجتماعي "فيس بوك": صباح الخير عليكم جميعا أنا للأسف في موقف مش عارفة اتصرف فيه المساعدة بتاعتي اختفت وهي جايلي على التصوير من أول امبارح وكل ده أهلها بيدور عليها في المستشفيات والأقسام وآخر حاجة كانت راكبة عربية من إحدى شركات التوصيل، وكانت جايه على المدينة بعديها تليفونها اتقفل.
وتابعت منة: ومن الساعه 6 المغرب واتفتح دقيقة الساعه 12 بليل معرفناش نعمل حاجة واستنينا يعدي 24 ساعة علشان نعمل محضر، بعض المستشفيات هي مش موجودة فيها والواضح أنها اتخطفت وحقيقي أنا مش عارفة أعمل حاجة ودي أول مرة معرفش اتصرف فـ اللي يقدر يساعدني يبقي كتر خيره هي ساكنة في الزاوية وللأسف معنديش تفاصيل لا رقم العربية لأنها كانت مش ظاهرة ولا أي حاجة، رجاء اللي يقدر يعمل حاجة يبقي كتر خيره.
على جانب آخر، تواصل منة فضالي تصوير مسلسل "جعفر العمدة" الذي تشارك فيه في رمضان 2023، وهو بطولة محمد رمضان، زينة، إيمان العاصي، هالة صدقي، مي كساب، أحمد داش، منة فضالي، هيدي كريم، فريدة سيف النصر، تامر عبد المنعم، طارق الدسوقي، ومن تأليف وإخراج محمد سامي وشارك في السيناريو والحوار مهاب طارق وإنتاج شركة ميديا هب سعدي - جوهر.
آخر أعمال منة فضالي
يذكر أن آخر أعمال منة فضالي مسلسل "الونش" الذي يتكون من 45 حلقة، ويخوض بطولته محمد رجب، ميمي جمال، ميرهان حسين، محمود عبد المغني، إيهاب فهمي، محسن منصور،محمد أبو داود، حنان سليمان، علاء مرسي، عبير منير، ومن تأليف أحمد عبد الفتاح ، ومن إخراج إسماعيل فاروق.