منة فضالي تكشف تفاصيل شخصيتها في مسلسل ”جعفر العمدة”
كشفت الفنانة منة فضالي تفاصيل شخصيتها في مسلسل جعفر العمدة بطولة الفنان محمد رمضان، والمقرر عرضه في الموسم الرمضاني المقبل 2023.
خلال لقائها مع ميديا هب “سعدي- جوهر”، قالت منة فضالي: “شخصية فكاهية، مش كوميدية أوي بس دمها خفيف، مش جاهلة بس مخها على قدها وتفكرها محدود وطيبة جدا ورومانسية وشقية جدا وتحس انها كوكتيل ".
وتابعت:"هي من الشخصيات الصعبة عشان فيها شغل كتير والدور صعب وكان محتاج مجهود وتركيز، وحاولت على قد مقدر اشتغل على نفسي ومحمد سامي مسبناش".
وأضافت: "نرجس طيبة بس ساعات بتتصرف تصرفات بتتفهم غلط على إنها شريرة، هي جاهلة فبتتصرف على طبيعتها وبغشومية بس هي طيبة جدا".
وأوضحت:: "نرجس شبهي إني مجنونة وبتتصرف بتلقائيتي ورومانسية، ومختلفة عني اني جاهلة وممكن في الكوميدية عشان أنا مش عارفة أنا كوميدية ولا لا".
وعن تعاونها مع محمد رمضان خلال المسلسل، قالت: أنا بحبه جدا على المستوى الشخصي، والشغل معاه ممتع جدا وعبقري بيعمل مجهود وباخد منه كتير في المشاعر واستفدت منه مع إنه أصغر مني وهو متفوق جدا في حاجات كتير ومتنوع في أدواره وبقوله مبروك من قلبي ومبسوطة اني اشتغلت معاه.
واتجه الحديث عن محمد سامي: صديق وعزيز على قلبي وده تاني عمل ليا معاه، هو مميز ومخلتف وبيحب الممثل اوي ومش بيفرق في المعاملة وبيدي كل واحد حقه وبيذاكر وبيذاكر للمثل وبيديله الاحساس والأداء وبيتعب جدا، وبقوله شكرا ثقته فيا كبيرة، ومحمد سامي حاجة كبيرة جدا بالنسبالي لأنه من المخرجين الكبار.
أبطال مسلسل "جعفر العمدة"
مسلسل "جعفر العمدة" بطولة محمد رمضان، زينة، إيمان العاصي، هالة صدقي، مي كساب، أحمد داش، منة فضالي، هيدي كريم، فريدة سيف النصر، تامر عبد المنعم، طارق الدسوقي، ومن تأليف وإخراج محمد سامى وشارك فى السيناريو والحوار مهاب طارق وإنتاج شركة ميديا هب سعدى - جوهر.
