الأموال
الأحد 20 أبريل 2025 03:36 مـ 21 شوال 1446 هـ
الأموال رئيس مجلس الإدارة ورئيس التحريرماجد علي

فنون

منة فضالي لمنتقدي ”جعفر العمدة”: مش عاجبك ملكش دعوة

منة فضالي
منة فضالي

وجهت الفنانة منة فضالي رسالة لمنتقدي مسلسل جعفر العمدة، وذلك من خلال بث مباشر عبر حسابها بموقع التواصل الاجتماعي فيسبوك.

وقالت منة فضالي: محمد سامي عامل مسلسل راهيب وكتر ألف خيره، وأنا بضايق لما بلاقي حد كاتب حاجة مش حلوة على المسلسل.

منة فضالي تدافع عن "جعفر العمدة"

وتابعت "فضالي: أكتبوا حاجة حلوة على المسلسل وخلاص ولو مش عاجبك المسلسل ومتبقوش كده خليكوا لطاف عيب كده.

واتجه حديثها عن أحداث المسلسل: موضوع تعدد الزوجات وارد وفي ناس بتتجوز تلاتة وأربعة واتنين والمسلسل حلو وبصوا عليه من نظرة تانية، احنا مش بنعمل رسالة احنا بنعمل تأليف ممكن تكون موجودة أو لا بس كل واحد يبص عليه بطريقته.

واستكملت: مش عايزة حد يكون مضايق من الستات وقصة الزوجات والحما في ناس كده كتير وده مش عيب واحترام الحما ده موضوع كبير حتى لو بتشتم وبتزعق لازم نحترمها لأنها ست كبيرة.

منة فضالي تشكر جمهورها

وأضافت منة: شكراً على كل تعليقاتكم ودعمكوا ليا وكل أبطال العمل، وأنا والله العظيم كنت خايفة جداً من الدور ده لأنه كوميدي وأنا أول مرة في حياتي أعمل دور كوميدي وكمان الدور صعب جداً، ولسه في شغل مهم وإحنا كلنا تعبانين فيه وعاملين مجهود وبالأخص أستاذ محمد سامي ومحمد رمضان.

منة فضالي تشكر في أبطال "جعفر العمدة"

وعن أبطال العمل، قالت : هالة صدقي ملهاش حل وهي مسلسل لوحدها وبشكر كل زملائي في المسلسل واحد واحد وكلهم نجوم ومنورين وإيمان العاصي فظيعة ومي كساب راهيبة، وأحمد فهيم سيد العمدة رهيب وكارم ومنذر وزينة وكل المسلسل أحلى من بعضهم ومش عايزة أنسى حد احنا كاست كبير وبيومي فؤاد أضافة للعمل ويارب يكون مسلسل عاجبهم.

واختتمت منة حديثها: محمد رمضان فاكهة المسلسل وبيقتلنا ضحك وتعب جدا في المسلسل وبيشتغل على نفسه كتير أوي على نفسه ومحمد سامي أكتر حد تعبان لأنه شايل كاست كبير وبيستحملنا بمشاكلنا وبلاوينا.

مسلسل "جعفر العمدة"

يشارك في بطولة مسلسل "جعفر العمدة" محمد رمضان زينة، إيمان العاصي، هالة صدقي، مي كساب، أحمد داش، منة فضالي، هيدي كريم، فريدة سيف النصر، تامر عبد المنعم، طارق الدسوقي، ومن تأليف وإخراج محمد سامي وشارك في السيناريو والحوار مهاب طارق وإنتاج شركة ميديا هب سعدي - جوهر.

أسعار العملات

متوسط أسعار السوق بالجنيه المصرى17 أبريل 2025

العملة شراء بيع
دولار أمريكى 51.0681 51.1681
يورو 57.9367 58.0553
جنيه إسترلينى 67.5273 67.6698
فرنك سويسرى 62.3618 62.5297
100 ين يابانى 35.8272 35.9024
ريال سعودى 13.6091 13.6365
دينار كويتى 166.4865 166.8886
درهم اماراتى 13.9021 13.9331
اليوان الصينى 6.9954 7.0107

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار سعر البيع سعر الشراء بالدولار الأمريكي
سعر ذهب 24 5457 جنيه 5429 جنيه $107.01
سعر ذهب 22 5002 جنيه 4976 جنيه $98.09
سعر ذهب 21 4775 جنيه 4750 جنيه $93.63
سعر ذهب 18 4093 جنيه 4071 جنيه $80.26
سعر ذهب 14 3183 جنيه 3167 جنيه $62.42
سعر ذهب 12 2729 جنيه 2714 جنيه $53.50
سعر الأونصة 169736 جنيه 168848 جنيه $3328.34
الجنيه الذهب 38200 جنيه 38000 جنيه $749.06
الأونصة بالدولار 3328.34 دولار
سعر الذهب بمحلات الصاغة تختلف بين منطقة وأخرى