ريم البارودي تتحدث عن أزمة مسلسل ”كله بالحب”..وتكشف عن علاقتها العاطفية
تحدثت الفنانة ريم البارودي خلال لقائها في برنامج "ET بالعربي"، عن الأزمات التي مر بها مسلسل “كله بالحب" .
وقالت ريم : “الصداقة تخليني إن أنا احترمت مواعيد شغلي حتى لو أنا تعبانة لازم أجي على نفسي وأنزل أشتغل، حتى لو فيه حاجة مش عجباني أو مش مناسباني بس علشان خاطر صاحبتي”.
و تابعت: "احنا اتعودنا بالذات في الدراما إن دايما بيبقى فيه مشاكل، بس المرة دي المشاكل كانت على الملأ.. عرفنا الحمد لله إن إحنا نتفادى المشاكل، لأن كان فيه مشاهد كتيرة قوي كنا محتاجين وجود أحمد السعدني، لكن كل شيء نصيب".
وأضافت : "إن شاء الله العرض التاني في وقت ميبقاش رمضان، الناس تشوف، كلنا تعبنا وكلنا اجتهدنا في وقت صعب زي كورونا، وكنا بنشتغل في أماكن صعبة جدا، وإن شاء الله اللي مشافش المسلسل يشوفه وإن شاء الله هيعجبه".
وتطرق الحديث عن علاقتها العاطفية وأوضحت ريم: "مش هقول دلوقت.. واحنا عندنا المجتمع الشرقي بيرفض الحاجات اللي زي دي.. لما يبقى في حاجة حقيقية هقول".
ويذكر أن ريم البارودي شاركت في الموسم الرمضاني 2021 بمسلسل “كله بالحب”بجانب زينة وأحمد السعدني وصابرين وهالة فاخر ومصطفى درويش ، والعمل من تأليف ورشة أحمد الشخيبي، إخراج عصام عبد الحميد.
