تراشق واتهامات متبادلة بين محمد شاهين و حمو بيكا بسبب أغنية ”قلبي شايل وجع”
شهدت الساعات الماضية خلافات وتراشق بالكلام بين المطرب محمد شاهين ومطرب المهرجانات حمو بيكا بسبب أغنية "قلبي شايل وجع".
محمد شاهين و حقوق ملكية أغنية "قلبي شايل وجع"
بدأت الأزمة عندما كشف محمد شاهين عن مشكلته مع حمو بيكا وقال: "أنا مش بتاع لايف واتكلم بشكل رخيص على موضوع مهرجان مع حمو بيكا بس اللي عمله اسمه غدر وقلة قيمة من فترة كلمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما اعرف".
تابع شاهين قائلًا " كلمت حمو بيكا قلتله ازاي قالي أنا هنزل في العيد 6 اغاني بكلمة في حقوق الأغنية أقل حاجة في حقي، يرد يقولي (أنا هاخد الحقوق كلها) على أساس أن النجم المحترم هيعرفني بالناس على أساس أن النجم المحترم أنا شغال عنده رديت قلت له الكلام دة مش هينفع وقفلت معاه بعدها بعت لمصمم البوستر وقالي أن الأغنية مش هتنزل اتفاجئ انهاردة بنزولها بدون علمي على اساس ايه"
اختتم محمد شاهين كلامه :" أنا هعرف اجيب حقي كويس بالقانون".
حمو بيكا يرد على اتهامات محمد شاهين
وخرج حمو بيكا للرد على اتهامات محمد شاهين بخصوص أغنية "قلبي شايل وجع" عبر حسابه الشخصي على موقع التواصل الاجتماعي "فيس بوك":" "بخصوص أغنية قلبي شايل وجع، بتاعتي أنا، واللي اسمه محمد شاهين.. أنا مطلبتش إن الأغنية دي تترفع.. الأغنية دي اترفعت وأنا نايم.. لإني قبل ما أنام كنت عامل لايف، إني مأجل شغلي بالكامل، تضامنا مع إخوتنا في بلدنا التاني فلسطين".
وأضاف قائلًا "الأغنية تم فتحها والشير بدون علم مني.. والشركة المسئولة عن السوشيال ميديا هي اللي فتحتها.. ملحوظة الأغنية دي أصلًا مش من ضمن شغلي.. تحياتي لكل أخواتي وأهلي وجمهوري الكبير اللي بيحبني ويسمعني في جميع محافظات مصر والوطن العربي.. أنت على رأسي" .
محمد شاهين يرد على حمو بيكا
وقام شاهين بالرد على حمو بيكا عبر حسابه الشخصي على موقع التواصل الاجتماعي "فيس بوك":"امبارح المحترم بيقول عليا اللي اسمه محمد شاهين، أنا هقولك حاجة واحدة يابني حسبي الله ونعم الوكيل في اللي فرضك علينا وعملك قيمة".
وتابع، "والله العظيم أنا روحت أغني الأغنية دي بس قلة حيلة وفقدان أمل بس لكن من جوايا وأنتم عارفين لا شكلى ولا فني اللى بحبه عشان أروح أعمل كده دى كانت غلطة وزلة منى فقط لا غير وأنا مايشرفنيش أغني مع حد مش مقدرني ومش على دراية بأي شيء ولا يفقه فى المزيكا أي حاجة كمان غلطة وأنا هجيب حقي كده كده واستنوا مني اللي دايما متعودين مني عليه".
