حمو بيكا عن حسن شاكوش: مغرور ومتكبر .. وروحتله فرحه عشان اجامله
حل مغني المهرجانات حمو بيكا ضيفًا على برنامج "العرافة" الذي تقدمه الإعلامية بسمة وهبة، ويذاع على شاشة تلفزيون قناتي المحور والنهار، وكشف خلال الحلقة عن خلافه مه حسن شاكوش.
وقال حمو بيكا : أكون غلبان أحسن ما أكون شراني، ومفيش حد يعرف يسوقني، وأنا لما بعمل حاجة بعملها من دماغي وحدش بيقولي أعمل حاجة مش عيل صغير، وحسن شاكوش مغرور ومتكبر.
وتابع: حسن شاكوش كداب، أنا المدرسة اللي طلعت حسن شاكوش، حد صاحبي كلمني اسمه أيمن شعبان وأنا مكنتش أعرفه فصاحبي قالي ساعده واقف جمبه، قولتله حاضر وكلمته، هو مكنش عنده استوديو، وهو مظهرش غير معايا، والناس معرفتوش غير معايا.
وأضاف: هو بيحط ممول عشان أغانيه تجيب مشاهدات.. أول أغنية عملتها لحسن شاكوش جابت 15 مليون مشاهدة.. حسن لما اتشهر والغرور أخده مني بقى بيشتغل لوحده، وأنا اللي قفلتله بنت الجيران وأنا اللي فتحتها عشان حصلت مشاكل، وجاب ناس تتوسط.
واختتم: حسن بيحب السهر ومش بيحب الشغل وأنا مش بسهر، وهو مش مركز في شغله ووقع، وهو مش محبوب ولا مشهور أكتر مني، وروحتله الفرح عشان هو صاحبي ولازم اجامله، وبيقوله كله جاله مجاملة من غير فلوس، أمال هو دفع كل دا في ايه.
