حمو بيكا لطلاب الثانوية: أنا لو رجع بيا الزمن كنت اتعلمت وأكلت الكتب
وجه مطرب المهرجانات حمو بيكا رسالة دعم لطلاب الثانوية العامة بمناسبة إنطلاق ماراثون امتحاناتهم.
وكتب حمو بيكا عبر حسابه بموقع التواصل الاجتماعي "إنستجرام": "بكرة تعتبر بداية الامتحانات النهائية للثانوية العامة، وأنا مش جاي أديك موعظة ولا جاي أعمل شيخ عليكم.. بس أنا جاي أقول لك إنك قد أي حاجة في الدنيا، وتعرف تعمل أي حاجة طالما عندك إصرار وحلم هتوصل يعني هتوصل".
وأضاف : "الثانوية العامة مش نهاية الرحلة والمطاف ليكم، وإنما هي بداية الحلم الحقيقي اللي نفسك تحققه، اتعلموا العلم حلو أوي، العلم بيستر صاحبه، أنا لو رجع بيا الزمن كنت اتعلمت وأكلت الكتب اكل.. ربنا معاكم يا رب وتحققوا كل أحلامكم".
وعلى الجانب الأخر، أعلن حمو بيكا عن انتظاره لمولوده الاول من زوجته زوزو شمس، وذلك خلال لقائه ببرنامج صبايا الشمس مع الإعلامية ريهام سعيد.
وقال حمو بيكا: "بعد 3 سنين مراتي حامل لأول مرة، وفي الشهر الرابع، وطبعا فرحت لما عرفت الخبر".
وأضاف: "فرحتي هتبقى أكبر لما أشوف المولود، ولسه مش عارفين ولد ولا بنت، لو ولد هسميه فهد، ولو بنت هسميها تاج".
