أسما شريف منير تقدم نصائح لمتابعيها بعد انفصالها عن زوجها محمود حجازي
شاركت مقدمة البرامج أسما شريف منير عدد من النصائح لمتابعيها، خاصة المطلقات، وذلك عبر حسابها الشخصي على "فيس بوك".
وكتبت أسما شريف منير على صورة لها : "دايماً لما اتنين بيسيبوا بعض كل واحد فيهم بيبقي عايز التاني يحس انه تعبان من غيره، او فحال اوحش، عشان يعرف يعدي و يقوم، هكدب عليكم لو قلتلكم محستش كده!! بس بما اني مركزه مع تجربتي المره دي عشان فعلاً عايزه اتعلم و اقوي بجد ، قعدت احلل الاحساس ده بكل تفاصيله لحد ما وصلت ان لو فعلاً الواحد في يوم حب ازاي ممكن يتمني لحد حاجة زي دي، ايه الأنانية دي؟ حتي لو اتأذيت ليه اوصل اني اتمني ان الشخص التاني يتعب عشان يحس بقيمتي!!
وتابعت:"ده احساس مؤذي و ده مش طبعي، فا هذبت نفسي و لومتها و قلت لنفسي ان لو ده اختبار من ربنا يبقي لازم الواحد يكون قده! مش كلام و خلاص".
وأضافت:" تكون النهايات اخلاق مش ادعاء ، لكل ست في نفس الموقف لو حسيتي بكده اقفي مع نفسك! وقفي نفسك، و غيري التفكير ده من جذوره و دعي الخلق للخالق".
واستكملت:"ركزي في ازاي تقومي بطريقة صحية و اتمني لغيرك اللي تتمنيه لنفسك عشان {وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا} "
واختتمت:"سامحي حتي لو مش انتي اللي غلطانه، ان الله غفور رحيم.(لا تنسوا الفضل بينكم)"
وكانت أسما أعلنت انفصالها عن زوجها الممثل محمود حجازي عبر حسابها الرسمي بتطبيق "إنستجرام".
وكتبت أسما :"ياريت بعد إذنكم تحترموا خصوصية الموقف من غير شائعات ولا اجتهادات ولا أسئلة محصلش نصيب بكل احترام ونقطة ربنا يكرمنا إحنا الاثنين بس كده مفيش أي تفاصيل تانية إحنا كان في بنا عشرة وعيش وملح وأكيد مش هنتكلم في تفاصيل بيتنا".
ويذكر أن علاقة أسما شريف منير بزوجها محمود حجازي مرت بعدد من الأزمات، منذ فترة الخطوبة ،حيث قاموا الثنائي بفسخ الخطوبة، في مارس 2018، ثم عادت أنباء العودة مرة أخرى في يوليو من نفس العام، قبل إعلان خبر الزفاف الذي أعلناه في خطوة مفاجئة في سبتمبر من نفس العام أيضًا.
