أسما شريف منير : بقالي 15 يوم ملتزمة في الصلاة و ونفسي أتحجب بس مرعوبة
كشفت الإعلامية أسما شريف منير عن التغير الذي طرق حياتها خلال الفترة الحالية خاصة بعد الأحداث الصادمة في غزة.
وقالت أسما شريف منير عبر حسابها الرسمي بموقع تبادل الصور والفيديوهات انستجرام من خلال فيديو بث مباشر: بقالي 15 يوم ملتزمة في الصلاة والموضوع مريحني جد خاصة إني مبقتش أخرج كتير وده مخليني متلزمة أكتر وكل مرة ببقى كدة وبعدها الدنيا تلهيني لكن أنا بحاول ونفسي أفضل منتظمة لحد ما أموت.
وتابعت : بعد الصلاة حسيت إني مستعدة أموت عادي أنا كان نقصني حاجات كتير أوي ومكنتش عارفة هقف قدام ربنا ازاي، دلوقتي مش خايفة أنا حاسة اني عادي إن أموت في أي وقت.
وواصلت : بحس اني هادية وربنا حاميني ومحدش يقدر يأذيني ونفسي أفضل مكملة ، ونفسي أفضل منتظمة باقي حياتي لحد ما أموت، وربنا يهديني وأتحجب لأني مرعوبة من الخطوة.
وأضافت: لازم الواحد اللي مبيصلوش يرجع يصلي، الالتزام صعب اللي عنده نقمة على البلد بتاعته يحمد ربنا إن عنده جيش بيحميه، لازم يبقى عندنا إنتماء حقيقي مش ناس داخلة تعمل شير لكلام مش حساه ومش فهماه ومش مستوعبا، نساعد إخوتنا بأي طريقة ممكنة نبطل ادعاء وفيه حد أعرف لقيته بيقول إنه مش متعاطف مع للي بيحصل بس في نفس الوقت عمال ينزل حاجات عن فلسطين.. اللي بيحصل ده بقى مخوفني.
