وللوطن .. »صناعة الأمل« ورحلتى مع »الأموال«

شوفت يا عم »الراجل المجنون« اللى بيصدر جريدة وآل إيه اقتصادية والجرايد بتقفل وتسرح صحفييها.. وهى الجرائد بس.. دا الدول نفسها  بتفلس.. غريب الجدع ده.. يا آخى مابيقراش جرايد ولا بيشوف تليفزيون يعرف أمريكا قلعة الرأسمالية حاصل فيها إيه.. يا عم أقطع دراعى لو إن ماجد على رئيس تحرير الأموال ده نايم على خميرة ولا أبوه عنده أطيان فى البلد.. المشكلة إنه والده »فلاح« من أهالينا على قد حاله وأنا عارف »ماجد« كويس.. يبقى مافيش غير إنه عكم كام »مليون دولار« من بره وأهو كان شغال فى »المصرى اليوم« وعرف »السكة فين« ولا تلاقيه وقع على »رجل أعمال« عاوز يتلمع ويصرفله مليونين ويطلع خمس ست أعداد ويقفل.. ياه 6 سنوات مرت على »الأموال« ودخلت فى السنة السابعة بسم الله اللهم لا حسد.. فاكر يا عم لما قعدنا ننم على صاحبا ــ ماجد ــ فى أكتوبر 2008 فى عز الأزمة المالية العالمية.. ساعتها راهنتنى إن كبيره يطلع 5 أعداد ويقفل.. وأنا قلتلك ماجد مش سهل وعنده تحدى وإصرار رهيب ومافيش حاجة بتكسره.. وبصراحة سمعت إنه عامل عدد سنوى للاحتفال بعيده »السادس« عدد خطير وفيه بصراحة صحافة ومهنية.. صحيح يا »أبوعلى« إن الأموال بقالها 6 سنين.. نعم يا أخى.. ياه بصراحة انت بطل.. يا أخى المهم هو كيف نصنع الأمل؟ وأن نتعلم أن إضاءة شمعة فى وقت الكل يطفى القناديل خوفاً.. قد يحمل لك خيرا كثيرا ويجعلك الوحيد الذى تقتنص فرصة تبحث لها عن زبون..

إلى زملائى ورفاقى فى رحلة البحث عن المتاعب وشركائى فى صناعة الأمل عقبال 100 سنة لـ»الأموال«.. وربنا يسترها ويعيدها على خير ويحفظ بلادنا من كل مكروه وسوء.

اقرا ايضا:

منير الزاهد للاموال:مشروع شهادات قناة السويس زاد من السيولة النقدية فى الجهاز...

22.5 % تراجعا في قيمة العجز بالميزان التجاري لمصر خلال يوليو

طارق قنديل للاموال :»شهادات القناة« تعيد سطوع نجم بنك قناة السويس فى...