فيديو.. ريم وبربري يعلنان انفصالهما: اوعوا تفقدوا الأمل في الجواز
أثار قرار الثنائي البلوجر الشهير بـ ريم وبربري، صدمة بين متابعيهم. فقد أعلن الثنائي، الذي استمرت علاقة حبهم لسنوات طويلة، عن انفصالهما بشكل مفاجئ.
انفصال الثنائي الشهير "ريم وبربري"
ونشر الثنائي خبر طلاقهما في فيديو عبر حساباتهم الشخصية على موقع التواصل الاجتماعي ، وقال بربري: سبب اختفاءنا أن أنا وريم أطلقنا لأسباب شخصية مش عايزين الناس تضايق ولا تزعل، ربنا يكتب لنا الخير احنا الاتنين، واحنا راضيين بالقرار ده، اوعوا تحبطوا ولا تفقدوا الأمل في الجواز".
وتابع : "احنا الاتنين اتجوزنا وعيشنا سنين حلوة مع بعض، وإحنا مبسوطين بيه، بس مش هنفقد الأمل، إحنا بنحترم بعض ومفيش بينا مشاكل ومش ندمانين على علاقتنا خالص، وصلنا لحته كويسة في حياتنا الحمد لله مش معنى العلاقة خلصت تبقى فشلت، وإن شاء الله اللي جي أحسن".
فيما علقت ريم على قرار الانفصال، قائلة :"احنا موصلناش للمرحلة دي والسلام النفسي بالسهولة دي، المرحلة كانت صعبة وفيها وجع كتير وأيام مش حلوة كتير، احنا دلوقتي تخطينا ده، وعشان كده قادرين نتكلم قدام الكاميرا".
وأضافت: "ربنا مش بيحط الابتلاءات عشان يعاقبنا، لا ده وراه حكمة كبيرة اوي، وحاجات احنا مبنبقاش شيفتها في اللحظة دي واحنا الحدلله تخطينا المرحلة دي وراضين ومتفائلين ومتأكدين أن ربنا كتبلنا الخير لينا في حته حتى لو مش مع بعض".
وطالب "ريم وبربري" من جمهورهما عدم تصديق أي شائعات متداولة حول علاقتهما في الفترةالأخيرة.
هذا القرار المفاجئ أثار العديد من التساؤلات والتكهنات على منصات التواصل الاجتماعي، حيث لم يكشف الثنائي عن الأسباب الحقيقية وراء انتهاء العلاقة.
الجدير بالذكر أن ريم وبربري تزوجا عام 2019 بعد قصة حب، وبدأ الثنائي مسيرتهما على السوشيال ميديا من خلال مقاطع فيديو ترفيهية، جسدت مواقف كوميدية وتحديات ذكاء بينهما، إلى جانب إعجاب المتابعين بعلاقتهما وترويجهما للسعادة الزوجية والحياة المثالية.
