ما السبب وراء اعتذار شذى من تامر حسني؟
اعتذرت الفنانة شذى، عبر حسابها على تطبيق إنستجرام، للنجم تامر حسني بعد تصريحاتها الأخيرة عنه.
وشاركت شذى صورة تجمعها بتامر حسني وعلقت عليها كاتبه: من غير ما أفكر وأحاول أرتب الكلام أنت أكتر واحد في العالم عارف حبي ليك قد إيه وأكتر واحد برضه عارفني وعارف إني على الله حكايتي ودماغي بتسوحني كتير.
وتابعت: حقك عليا ودايما العتاب بيكون على قد الغلاوة وعلشان غلاوتك كتير هبّت معايا زيادة متزعلش مني وهتفضل صاحب عمري اللي عدينا مع بعض كتير الوحش قبل الحلو.
تصريحات شذى عن تامر حسني
وكانت شذى تحدثت عن تامر حسني بطريقة "غريبة" خلال لقائها ببرنامج "أنا سعيد"، الذي يقدمه الإعلامي سعيد جميل، عبر قناة "القاهر والناس"، حيث قالت : "سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر".
وأضافت: "على المستوى الشخصي والمهني تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأن الصحاب لازم يكونوا ضهر لبعض، خصوصا لو أنت كنت كويس معاه قبل كده، عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا".
أخر أعمال شذى
يذكر أن أخر أعمال شذى، أغنية "إخلع" التي طرحتها في أبريل الماضي وهي من كلمات محمود كلازا، وألحان مصطفى إبراهيم، وتوزيع رامي نوار.
