إنتاج تامر حسني.. بسمة بوسيل تطرح أولى أغانيها ”البدايات”
طرحت الفنانة بسمة بوسيل أولى أعمالها الغنائية أمس الجمعة، باسم "البدايات"، وذلك عبر قناتها الرسمية على موقع الفيديوهات "يوتيوب".
أغنية "البدايات" من كلمات أيمن بهجت قمر، وألحان محمد يحيى، توزيع ومكس فهد، وماستر مصطفى رؤوف، وإنتاج تامر حسني.
وروجت بسمة بوسيل للأغنية عبر حسابها في إنستجرام، حيث كتبت: "اسمعوا أغنيتي الجديدة البدايات دلوقتي على يوتيوب وجميع منصات الاستماع .. ان شاء الله تعجكم. مستنية رأيكم".
وتابعت: "على فكرة الاغنية دي بتاعت تيمو، و لما قلتله انا عايزة اعمل اغاني بتاعتي على طول شجعني و قالي طب اول اغنية ليكي انا هعملهالك، وطلبت منو دي عشان كنت بحبها اوي، فمترددش لحظه انه يديهالي".
وحرص تامر حسني على تهنئتنا بالأغنية الجديدة، حيث كتب: : "الدنيا كلها متغلاش عليكي يا بسوم الف مليون مبروك وغنيتيها غُنا عظيم بجد ايوا انا المدرب والمنتج بس احساسك هو الموضوع كله … كل سنه وانتي طيبه و يارب من اليوم ده كل ايامك في نجاح و فرح و انتصارات شكراً لصناع الاغنيه المؤلف الكبير ايمن بهجت قمر و الملحن الكبير محمد يحيى و الموزع الكبير فهد و مهندس الصوت الكبير مصطفى رؤوف".
كلمات أغنية "البدايات" لـ بسمة بوسيل
وتقول كلمات الأغنية : البدايات أجمل بص حواليك و اسأل كل حاجة حلوة في أولها ياريت حلاوتها بتكمل حتى الوردة بتدبل وبنسكت وبنقبل والسنين بتحط مسافة كل مدى بتطول البدايات أجمل بص حواليك و اسأل كل حاجة حلوة في أولها ياريت حلاوتها بتكمل حتى الوردة بتدبل وبنسكت وبنقبل والسنين بتحط مسافة كل مدى بتطول وحالتنا مش جديدة نهايتنا مش بعيدة بنخون وعودنا ومش بإيدنا كل اللي بنعمله وتملي معرفش ليه كل اللي بنموت عليه نفضل نحاوطه وندوق حلاوته وشوية ونهمله وحالتنا مش جديدة نهايتنا مش بعيدة بنخون وعودنا ومش بإيدنا كل اللي بنعمله وتملي معرفش ليه كل اللي بنموت عليه نفضل نحاوطه وندوق حلاوته وشوية ونهمله اول مسكة ايد وبداية المواعيد احنا كده نتشد وبس تملي لأي جديد الأيام بتفوت والاحساس بيموت والأيام بتفوت ولسه البدايات أجمل .. اول مسكة ايد وبداية المواعيد احنا كده نتشد وبس تملي لأي جديد الأيام بتفوت والاحساس بيموت والأيام بتفوت ولسه البدايات أجمل .. وحالتنا مش جديدة نهايتنا مش بعيدة بنخون وعودنا ومش بإيدنا كل اللي بنعمله وتملي معرفش ليه كل اللي بنموت عليه نفضل نحاوطه وندوق حلاوته وشوية ونهمله وحالتنا مش جديدة نهايتنا مش بعيدة بنخون وعودنا ومش بإيدنا كل اللي بنعمله وتملي معرفش ليه كل اللي بنموت عليه نفضل نحاوطه وندوق حلاوته وشوية ونهمله.
