حقيقة مشاركة نيللي كريم في ”ولاد رزق 4”
كشفت الفنانة نيللي كريم، حقيقة مشاركتها في الجزء الرابع من مسلسل "ولاد رزق".
و قالت نيللي خلال برنامج صباح العربي: " روحنا العرض الخاص لفيلم ولاد رزق 3 كلنا مع بعض وهزرنا أنا وطارق العريان وقالي معايا بقى في الجزء الرابع".
وتابعت: "عايزة أبارك لهم على الجزء التالت اللي عملوه نجح وكسر الدنيا في مصر والسعودية".
وعن حضورها عروض أزياء، أوضحت : "بحب الفاشون وبقدر الشغل اليدوي والتصاميم اللي بتتعمل لأني كنت بشتغل في دار الأوبرا المصرية من فترة طويلة جدًا، وهناك في ورشة الأزياء كأنك طالع متحف، كل عرض باليه في زمن معين وقصة معينة والملابس بتحكي وتتكلم عن حدوتة، زي باليه بحيرة البجع كل فصل له فستان معين واستايل الباليه غير استايل الأوبرا والحاجات دي مهمة أوي بالنسبة لي".
أخر أعمال نيللي كريم
يذكر أن أخر أعمال نيللي كريم مسلسل "فراولة" الذي عرض في شهر رمضان الماضي، من إخراج محمد علي، وتأليف محمد سليمان عبد المالك، ومن بطولة نيللي كريم، صدقي صخر، شيماء سيف، علا رشدي، حجاج عبد العظيم، أحمد فهيم.
