جمال العدل يكشف حقيقة وجود خلاف بينه وبين نيللي كريم
أوضح المنتج جمال العدل حقيقة الأحاديث التي تشير إلى وجود خلاف بينه وبين الفنانة نيللي كريم، وذلك خلال لقائه مع ET بالعربي.
وقال جمال العدل: هي لم تصرح بشيء يقول أنها زعلانه، وأنا معلوماتي أنها محضرتش العروض الخاصة لفيلم ع الزيرو بسبب أنها كانت مسافرة.
حقيقة وجود خلاف بين نيللي كريم والعدل جروب
وبخصوص عدم ترويجها للفيلم، قال: عرفت من شباب في الشركة ولكني ما ركزتش لأن علاقتي بيها كويسة جدا وتصورت أنها ما خدتش بالها، ومفيش بيني وبينها حاجة ومفيش تواصل، وكنت أحب أنها تروج للفيلم ولكن لو روجت هيجيب إيرادات أعلى؟ كان فيلمها مع فراج حقق إيرادات.
كما كشف عن حقيقة انزعاج نيللي كريم من ظهورها خلف محمد رمضان في أفيش ع الزيرو قائلًا: نيللي كريم متصورة ورا محمد فراج على أفيش مسلسل ضد الكسر، وفراج لما طلب يطلع معاها على الأفيش وقتها أنا ما رضتش وقلت له هي أهم بكتير ولكن هي رضيت.. وأنا بتكلم بالمنطق لما تتصور زي شوية شباب صغيرين وفراج قدامها، هتزعل أنها اتصورت ورا محمد رمضان هل راسه أعلى من راسها؟.
جمال العدل: مش هشتغل مع نيللي كريم تاني في رمضان
واتجه الحديث عن اتفاقه مع نيللي كريم بأنهما لن يتعاونا مجددًا في المواسم الرمضانية، حيث أوضح: اتفقت مع نيللي من قبل رمضان إننا مش هنشتغل رمضان تاني مع بعض بعد مسلسل عملة نادرة، ومفيش مفاجأة لا ليها ولا ليا، وأنا وصلتها لحتة في منتهى الجمال.
وواصل: بالنسبة لي حلو يبقى معاك نجم سنين طويلة وتفكر له وتعمل له، ولكن حلو أكتر أنه يكون معاك نجوم كتير تختار لها وتشوف الموضوهات اللي تعجبها وهي كمان يبقى معاها شركات تاني كتير.
