بعد إعلان إصابتها بالسرطان.. عمرو يوسف يوجه رسالة دعم لـ كندة علوش : تستاهلي كل حب الدنيا
حرص الفنان عمرو يوسف على دعم زوجته الفنانة كندة علوش، بعد ظهورها في بودكاست مع الإعلامية منى الشاذلي عبر قناتها على يوتيوب وإعلان إصابتها بسرطان الثدي.
ونشر عمرو يوسف صورة تجمعه بكندة عبر حسابه الرسمي بموقع التواصل الاجتماعي "إنستجرام"، وججه من خلالها رسالة دعم لها، حيث كتب: "الحمد لله ثم الحمد لله ثم الحمد لله، الحمد لله على كل شيء، ظروف صعبة مرينا بيها على مدار سنتين لكن إنت كنتِ مؤمنة ومسلمه أمرك لله".
وتابع : "ظهورك وكلامك قوى ناس كتير هتبدأ رحلتها وكانت خايفة لكن إنت في عز تعبك اديتيهم قوة، ربنا يخليكي ليا ولأولادك ولحبايبك في الدنيا كلها اللي ما بطلوش دعاء ليكي من ساعة ما عرفوا، ربنا يحبب فيكي خلقة كمان وكمان عشان إنت تستاهلي كل حب الدنيا يا أجمل قلب في الدنيا".
وتحدثت كندة علوش عن إصابتها بسرطان الثدي، قائلة: بدأت احس في الم في مشكلة اثناء الرضاعة، وروحت عملت فحوصات قالولي التهاب بس شهر اتنين الأعراض اللي عندي مش بتروح .. في ناس في الحياة موسوسه انا مشكلتي اني العكس تماما فالعكس دي خلاني مش بخاف مش بقلق .. و مسلمه امري لله طول الوقت.
وأضافت: بس لما عدا 4 او 5 شهور والمشكلة مش بتتحل وعمرو عمال يقولي نعمل فحص و مكنتش شايفه ليه لزمه بس قولت اشوف لما روحت للدكتورة .. من أول ما شافتني قالتلي في حاجه مش مظبوطه فقالتلي عايزه اخد عينه، والمفروض الموضوع بياخد من 3 لـ 5 أيام، فلقيت تليفون بيجيلي يقولي استاذه كنده التحاليل طلعت قالي هي مش ليكي صح .. قولتله لأ ليا .. قالي هي والله النتيجه مش كويسة .. قولتله يعني ايه .. قالي يعني في اكتر من ورم خبيث .
واتمت: أنا اخترت أكون طبيعية وعايشة حياتي بشكل طبيعي، وعمر أطفالي سنتين و5 سنين، مايدنيش رفاهية إني أتدلع أو اعيا، هما عايزين يلعبوا وكان لازم اعمل معهم كدة، وكنت بتعب، وكنا في المصيف، كنت برجع 3 ساعات اخد الجلسة، وارجع 4 ساعات عشان اوصل هناك، وجسمي كله تعبان، والأطفال عايزين يلعبوا، وكنت بلعب معهم وأنيمهم وأكلهم، التفاصيل دي ساعدتني اني اعدي الرحلة بسلاسة وبساطة وإيجابية.
