طارق فؤاد : شيرين عبد الوهاب حرجتني قدام ولادي ومراتي.. ماذا فعلت؟
كشف الملحن طارق فؤاد، عن موقف محرج تسببت له فيه المطربة شيرين عبد الوهاب.
وقال طارق فؤاد خلال حلوله ضيفا على برنامج العرافة والذي تقدمه الإعلامية بسمة وهبة على شاشة قنوات المحور: جاتلي شيرين عبد الوهاب وهي عندها 12 سنة ومعاها 10 أطفال واخترتها واخترت الطفل الثاني أحمد فتحي، وأول ماغنت انبهر الحاضرين بصوتها، وبعد ما حققت شهرة كبيرة طلبت من صديق ليا أنه يفتح الاسبيكر اكلمها من هناك يوم عيد ميلادي واتباهى بيها قدام عيالي ومراتي .
وتابع: ولكن اتفاجئت برد فعلها وهو انها قفلت التليفون في وشي وكنت محرج جدا قدام ولادي ومراتي بس الحمدلله الموقف عدى.
وأضاف: كان موقف بايخ و اتحرجت قدام عيالي ومراتي ، لكن ربما كان لديها مبرر لهذا الموقف.
وواصل: التقينا بعدها في إحدى الحفلات الخاصة، واعتذرت لي وقالت: حقك عليا مش هعمل كده تاني، وأنا نسيت الموقف وقلت لها خلاص: اللي راح راح.
الجدير بالذكر، أن طارق فؤاد سيستكمل تصريحاته مع الإعلامية بسمة وهبة في برنامج العرافة الليلة في تمام الساعة السادسة مساء على شاشة قنوات المحور.
