أحمد كمال يكشف سبب عدم حضوره عرض فيلمه ”شرق 12” في مهرجان كان
كشف الفنان أحمد كمال سبب عدم حضوره عرض فيلمه ”شرق 12” في مهرجان كان السينمائي بدورته الـ77 .
وقال أحمد كمال خلال حلوله ضيفًا على برنامج "مع خيري" تقديم الإعلامي خيري رمضان : أنا وصلت لكن قبل ما أوصل المهرجان كنت اتسرقت في مدينة نيس في محطة القطر، وكنت وسط مجموعة من الصحفيات وفيه تمثيلية اتعملت علينا كلنا وأنا الوحيد اللي سرقوا منه الفلوس لكن الحمد لله الباسبور والفيزا موجودين.
وتابع: الحسبة ساعتها باظت خالص والمود العام باظ كمان، فقررت أرجع والوحيد اللي قابلته في مهرجان كان، كان طارق الشناوي وقالي انت اتحسدت، وانا دايمًا بمشي ورا إحساسي وقولت لو كملت هستريح ولا مش هستريح لقيت نفسي مش هستريح، وفي صحفية جميلة مروة أبو عيش وقفت جمبي وكملت معايا حاجات كان لازم ادفعها".
وأضاف: الصحفيات المصريات ما شاء الله معرفهمش وأول مرة أقابلهم في حياتي، لكن وقفوا جمبي وقفة جميلة، وده موقف أسجله للصحافة المصرية، ووقفوا معايا نفسيًا وماديًا لغاية ما قدرت ألم الموضوع.
يذكر أن فيلم "شرق 12" يشارك ببطولته الفنانة منحة البطراوي، الفنانة فايزة شامة، الفنان عمر رزيق، والفنان أحمد كمال تأليف وسيناريو وحوار وإخراج هالة القوصي، وأنتجته شركة فريزا وسيريوس فيلم (هولندا)، بالتعاون مع نقطة للإنتاج الفني (مصر)، بدعم من دي فيربيلدنج (الخيال).
