”بسببها معملتش أسناني”.. هنا الزاهد ترد على تشبيهها بـ نجلاء فتحي
ردت الفنانة هنا الزاهد على تصريحات الفنان هشام إسماعيل التي شبهها فيها بالنجمة نجلاء فتحي خاصة مع تقارب الملامح والروح.
وقالت هنا الزاهد في لقاء مع برنامج "سينماتيك":"شكرا أوي أوي ودي حاجة كبيرة أوي إنه يشبهني بفنانة مفضلة بالنسبة ليا وحاجة كبيرة، أنا بموت فيها وبحب صوتها".
وتابعت: " أنا بسببها معملتش أسناني لأن هي طلعت أسنانها مكنتش بيرفكت وأنا أسناني مش بيرفكت، بسببها أنا قلت واحدة قمر زي دي إيه المشكلة لما أسناني تبقى معوجة".
وأضافت: "ناس كتير بتقولي أعملي أسنانك وشايفة أن لأ مش عايزة أعملها بسبب أن في ناس قديمة مكنتش عامله أسنانها والناس بتحبهم".
واتمت: "هي ممثلة عظيمة وأفلامها حلوة أوي ومامتي شبهها أكتر مني بكتير وهي صغيرة وزمان وهي ماشية في الشارع ولابسة نضارة شمس الناس بيفتكروها هي".
يذكر أن هنا الزاهد تنافس في موسم عيد الفطر 2024 بفيلم "فاصل من اللحظات اللذيذة"، ويشاركها البطولة هشام ماجد ومحمد ثروت وبيومى فؤاد والطفل جان رامز ومجموعة من الفنانين. إخراج أحمد الجندي وتأليف شريف نجيب وإنتاج أحمد السبكي.
