بدء التحضير للجزء الثاني من مسلسل ”أشغال شقة”
بدء صناع عمل مسلسل ”أشغال شقة” التحضير للجزء الثاني منه وذلك بعد النجاح الكبير الذي حققه الجزء الأول في وقت عرضه.
وقال الفنان محمد محمود خلال لقائه مع الإعلامية إنجي علي عبر إذاعة وقناة "نجوم FM في برنامجها "نجوم رمضان أقربلك": "إحنا بنتكلم دلوقتي في الجزء اللي جاي من مسلسل ”أشغال شقة” وبدأنا نفتح أن ممكن يبقى "دكتور غندور" دكتور في تخصصات إيه تاني، إن شاء الله في جزء تاني وهيخلوا شخصية الدكتور رئيسية".
وعن شخصية "دكتور غندور"، قال: "الورق هو الأساس أستاذ خالد دياب وشيرين دياب عاملين معادلات كيميائية، ومن أول مشهد بنصوره قالي أنا عايز كوميديا مش بنهرج فيها مش بنقول نكت ولا بنقول إفيهات، أنا صدقت الشخصية اللي بعملها وبقيت متخيل إن الكلام دا بجد وبقى بيجيلي كريزة ضحك في التصوير والمخرج أفتكر إني بتعاطى حاجة وسألني أنت شارب إيه قلت له إني مش بقدر حتى اشم ريحة حاجة، الفكرة إني مصدق اللي بيتقال وكنت مستمتع بالشخصية رغم إنها مش كبيرة أنا بعتبره ضيف شرف".
وأضاف: "كان في جروب دكاترة على السوشيال ميديا كانوا بيسألو دا تخصص إيه ودكتور صديقي قالي الحمد لله إنك مش تخصص روماتيزم قلت له هعمله في الجزء التاني".
مسلسل "أشغال شقة"
يذكر أن مسلسل "أشغال شقة" عرض في النصف الأول من شهر رمضان 2024، وهو من بطولة هشام ماجد، أسماء جلال، شيرين، سلوى محمد علي، مصطفى غريب، وعدد من ضيوف الشرف منهم إنتصار وإيمان السيد ونهى عابدين وإنعام سالوسة ومن تأليف خالد وشيرين دياب، وإخراج خالد دياب.
