بوسي تنهار من البكاء أمام صورة والدتها: تعبت واتظلمت كتير أوي
![بوسي](https://media.elamwal.com/img/24/03/13/243612.jpg)
دخلت المطربة بوسي، في نوبة من البكاء، وذلك بعد عرض صورة والدتها المتوفية ، خلال لقائها مع الإعلامية بسمة وهبة في برنامج "العرافة" .
وقالت بوسي : "أمي تعبت علشان تربيني وتعلمني أنا وأخويا، خاصة أنها كانت منفصلة وهي حامل فيا في شهرين".
وتابعت: "كنت متعلقة بيها أوي وماتت وأنا عندي 17 سنة، وملحقتش أشبع منها".
وأضافت: "أمي تعبت كتير في حياتها واتظلمت كتير ولما حسيت إن الحمل كان كبير عليها طلبت منها أنزل اشتغل وفي الأول رفضت ولكني أقنعتها فوافقت وكانت بتنزل معايا شغلي رجليها على رجلي".
وفي نفس اللقاء تحدثت بوسي عن خلافاتها مع سعد الصغير، حيث قالت:معرفش هو ليه مركز في حياتي أكتر مني.. هو عايز مني إيه.. وبيعمل كدا علشان مبقاش زي زمان وبيحاول يعمل شو عشان الناس تاخد بالها منك.
وأكدت أنها لن ترد على أي تصريحات تخرج من الفنان سعد الصغير، أو محاولات استغلال خلافاتها مع والدها، لمحاربتها، معقبة: "ولا عمري هرد على سعد الصغير.. لأني أكبر من كدا بكتير".