طليقة مسلم تخرج عن صمتها.. وتكشف سر طلاقها: بقاله سنة ونص بيخوني
لأول مرة، خرجت ميكا البغدادي عن صمتها كاشفة سبب طلاقها من مطرب المهرجانات مسلم رغم قصة الحب التي جمعت بينهما.
وقالت ميكا البغدادي في مقطع فيديو عبر حسابها الرسمي بموقع التواصل الاجتماعي "إنستجرام":أنا اللي طلبت الطلاق لأنه بقاله سنة ونص على علاقة بواحدة تانية وأنا محترمة أن بينا ولد، واللي شوفته معاه مش قليل، وهو عايز يستعطف الناس علشان هاجموه..و فرحت له لما عرفت أنه هيخطب.
وكان مسلم أعلن أول أمس خطوبته على بنت خارج الوسط الفني وذلك بعد شهرين فقط من طلاقه، لتنهال عليه الانتقادات من قبل الجمهور.
مسلم يرد على منتقدي خطوبته بعد انفصاله بشهرين
ورد مسلم على تلك الانتقادات من خلال مقطع فيديو نشره عبر حسابه الشخصي على موقع تبادل الصور والفيديوهات إنستجرام، حيث: الناس قلبت عليا السوشيال ميديا، ومعلش يعني أنا روحت خطبت علشان خلاص مشيت في طريق ونسيت.. وربنا كرمني بإنسانة تفهمني.
وتابع: واه مقعدناش وقت كبير بس أنا ارتحت معاها وهي بنت ناس وكويسة ومقصرتش معايا، وأتمنى الناس تكون عندها عقل وفهم عشان خاطري إنتو متعرفوش حاجة، ومحدش يعرف اللي جو البيت بيدور أيه أو اللي جوه الحياة بيبقى عامل ازاي.
واختتم: ومحدش يعرف ده عامل إيه وأنا مش بحب أتكلم عن حياتي وبيتي، أنا لو طلعت أتكلم عنها أبقى مش راجل، وعمري ما هطلع أتكلم على واحدة بقى ليا ابن منها هي عايشة حياتها وفيه ابنها وليها كل الشكر وأنا روحت خطبت ومعملتش حاجة بالحرام وخطبت وعملت فرح زي أي حد طبيعي، الناس اللى معايا متستهلش إن يجيلها تعليقات سلبية وليه الانتقاد.
