مسلم لمنتقدي خطوبته بعد طلاقه بشهرين: معملتش حاجة بالحرام
![مسلم وخطيبته](https://media.elamwal.com/img/24/03/02/242979_1709368576.jpg)
علق المطرب مسلم، على الانتقادات التي طالته بسبب إعلانه عن خطوبته بعد شهرين فقط من طلاقه.
وقال مسلم في مقطع فيديو عبر حسابه الشخصي على موقع تبادل الصور والفيديوهات إنستجرام: الناس قلبت عليا السوشيال ميديا، ومعلش يعني أنا روحت خطبت علشان خلاص مشيت في طريق ونسيت.. وربنا كرمني بإنسانة تفهمني.
وتابع: واه مقعدناش وقت كبير بس أنا ارتحت معاها وهي بنت ناس وكويسة ومقصرتش معايا، وأتمنى الناس تكون عندها عقل وفهم عشان خاطري إنتو متعرفوش حاجة، ومحدش يعرف اللي جو البيت بيدور أيه أو اللي جوه الحياة بيبقى عامل ازاي.
واختتم: ومحدش يعرف ده عامل إيه وأنا مش بحب أتكلم عن حياتي وبيتي، أنا لو طلعت أتكلم عنها أبقى مش راجل، وعمري ما هطلع أتكلم على واحدة بقى ليا ابن منها هي عايشة حياتها وفيه ابنها وليها كل الشكر وأنا روحت خطبت ومعملتش حاجة بالحرام وخطبت وعملت فرح زي أي حد طبيعي، الناس اللى معايا متستهلش إن يجيلها تعليقات سلبية وليه الانتقاد.