سمية الخشاب تعلق على واقعة وفاة طالبة العريش: لازم قانون يجرم اي ابتزاز الكتروني
علقت الفنانة سمية الخشاب على واقعة وفاة طالبة في جامعة العريش بمحافظة شمال سيناء المعروفة باسم "نيرة صلاح"، بعد تعرضها للابتزاز الإلكتروني على يد صديقتها وصديقها، بنشر صور خاصة التقطت لها خلسة على جروب الدفعة.
وكتبت سمية الخشاب على حسابها الرسمي بموقع التدوينات "أكس": عايزة كل طلاب جامعه العريش مبيطلوش يكتبوا عن موضوع نيره صلاح ده خالص! لحد ما الاتنين المجرمين دول تدمر حياتهم هما واهلهم ويا سلام لو يثبت انهم قتلوها وياخدوا اعدام عشان نخلص من الوحوش اللي عايشين معانا دول، نصيحتي للمره المليون "مش قد الخلفه متخلفوش.
وتابعت في تويته أخرى : حتى لو انتحرت فذنبها فرقبه المجتمع والاتنين المجرمين اللي وصلوها لكده، ووكيل الجامعه اللي قالها انت مش قدهم، هما دول اللي قتلوها، لازم قانون يجرم اي ابتزاز الكتروني بعقوبه تخلي اي حد يفكر مليون مره قبل ما يعمل كده.
وأضافت: حابة اتكلم عن موضوع الابتزاز الالكتروني اللي خلانا نفقد نيره صلاح وفي غيرها بنات كتير بس دي الوحيده اللي بقت رأي عام، دلوقتي المفروض كلنا عارفين القصه ايه وان ازاي واحده وواحد متربوش هما واهلهم قدروا يوصلوا واحده انها تموت سواء انتحرت او اتقتلت.
وفي سياق أخر، تشارك سمية الخشاب في السباق الرمضاني المقبل، بمسلسل بـ100 راجل و يشاركها البطولة محمود عبد المغني وهالة فاخر وسما إبراهيم ومحمد رضوان ونانسي صلاح وأحمد عزمي، صلاح عبدالله ومحمد القس ومن تأليف محمود حمدان، وإخراج إبرام نشأت.
